ماجىلىستە دارىگەرلەرگە كۇش قولدانعاندارعا جازانى قاتاڭداتۋ تۋرالى ۇسىنىس قارالادى، دەپ حابارلايدى Dalanews.kz.
بۇل تۋرالى دەپۋتات اسحات ايماعامبەتوۆ حابارلادى.
"بۇگىن دارىگەرلەردى قورعاۋعا ارنالعان ماڭىزدى زاڭ جوباسىن جۇمىسقا قابىلدادىق. وندا مەديسينا قىزمەتكەرلەرىنە كۇش قولدانعاندارعا جازانى قاتاڭداتۋ ۇسىنىلعان"، - دەيدى دەپۋتات.
ول سوڭعى جىلدارى مۇنداي جاعدايلار جيىلەپ كەتكەنىن اتاپ ءوتتى.
"ءبىرى جۇمىس ورنىندا سوققىعا جىعىلدى، ەندى ءبىرى، ءتىپتى جەدەل جاردەمگە كەلگەن ۇيدە قورلىق كوردى. پرەزيدەنت بۇل ماسەلەنى بىرنەشە رەت كوتەرىپ، جازدا دەپۋتاتتاردىڭ ۇسىنىستارىن قولدايتىنىن ايتىپ، ۇكىمەتكە ناقتى تاپسىرما بەردى. دارىگەر قورعانسىز بولماۋى ءتيىس!"، - دەيدى دەپۋتات.
ەسكە سالايىق، بۇعان دەيىن اقتوبەدە دارىگەردى قاتىگەزدىكپەن ولتىرگەن مەديسينا قىزمەتكەرى 20 جىلعا سوتتالعان بولاتىن.
سونىمەن قاتار، قوستانايدا وبلىستىق اۋرۋحانادا دارىگەردى سوققىعا جىققان 34 جاستاعى ابىلايحان سارينجەپوۆكە قاتىستى سوت ۇكىمى شىقتى.
