Qazaqstanda Biryńǵai qarjylyq ombýdsmen qyzmetin qurý josparlanyp otyr. Bul norma Qarjy naryǵyn retteý jáne damytý agenttigi ázirlegen “Bankter jáne bank qyzmeti týraly” jańa zań jobasynda kózdelgen, dep habarlaidy Dalanews.kz.
Qarjylyq qyzmetterdi tutynýshylar bank, saqtandyrý nemese mikroqarjy uiymynyń jaýabymen kelispegen jaǵdaida nemese belgilengen merzimde jaýap almaǵan bolsa, ombýdsman qyzmetine júgine alady. Ombýdsmen daýlardy qarap, qarjy uiymdary úshin mindetti túrde oryndalýy tiis sheshimder shyǵarady. Sonymen qatar tutynýshynyń sotqa júginý quqyǵy saqtalady.
Biryńǵai qyzmet qazirgi tańda jumys istep turǵan bank, saqtandyrý jáne mikroqarjy ombýdsmandarynyń tetikterin biriktirip, daýlardy sotqa deiin retteitin negizgi institýtqaainalady.
Sotqa deiingi tártip banktermen, mikroqarjy uiymdarymen, saqtandyrý jáne brokerlik uiymdarmen, sondai-aq kollektorlyq agenttiktermen týyndaityn daýlarǵa qoldanylady. Ombýdsmenge jeke tulǵalar men shaǵyn biznes sýbektileri ótinish bere alady.
