قازاقستاندا ءبىرىڭعاي قارجىلىق ومبۋدسمەن قىزمەتىن قۇرۋ جوسپارلانىپ وتىر. بۇل نورما قارجى نارىعىن رەتتەۋ جانە دامىتۋ اگەنتتىگى ازىرلەگەن “بانكتەر جانە بانك قىزمەتى تۋرالى” جاڭا زاڭ جوباسىندا كوزدەلگەن، دەپ حابارلايدى Dalanews.kz.
قارجىلىق قىزمەتتەردى تۇتىنۋشىلار بانك، ساقتاندىرۋ نەمەسە ميكروقارجى ۇيىمىنىڭ جاۋابىمەن كەلىسپەگەن جاعدايدا نەمەسە بەلگىلەنگەن مەرزىمدە جاۋاپ الماعان بولسا، ومبۋدسمان قىزمەتىنە جۇگىنە الادى. ومبۋدسمەن داۋلاردى قاراپ، قارجى ۇيىمدارى ءۇشىن مىندەتتى تۇردە ورىندالۋى ءتيىس شەشىمدەر شىعارادى. سونىمەن قاتار تۇتىنۋشىنىڭ سوتقا جۇگىنۋ قۇقىعى ساقتالادى.
ءبىرىڭعاي قىزمەت قازىرگى تاڭدا جۇمىس ىستەپ تۇرعان بانك، ساقتاندىرۋ جانە ميكروقارجى ومبۋدسماندارىنىڭ تەتىكتەرىن بىرىكتىرىپ، داۋلاردى سوتقا دەيىن رەتتەيتىن نەگىزگى ينستيتۋتقااينالادى.
سوتقا دەيىنگى ءتارتىپ بانكتەرمەن، ميكروقارجى ۇيىمدارىمەن، ساقتاندىرۋ جانە بروكەرلىك ۇيىمدارمەن، سونداي-اق كوللەكتورلىق اگەنتتىكتەرمەن تۋىندايتىن داۋلارعا قولدانىلادى. ومبۋدسمەنگە جەكە تۇلعالار مەن شاعىن بيزنەس سۋبەكتىلەرى ءوتىنىش بەرە الادى.
