2025 jyly 207 myńnan asa qazaqstandyq arnaiy memlekettik járdemaqy aldy, dep habarlaidy Dalanews.kz.
Arnaiy memlekettik járdemaqy kimderge beriledi?
Qazaqstanda el aldyndaǵy airyqsha eńbegi úshin nemese tótenshe jaǵdailar saldarynan zardap shekken azamattarǵa qosymsha áleýmettik kómek retinde respýblikalyq biýdjetten ai saiyn arnaiy memlekettik járdemaqy tólenedi. 2025 jylǵy 31 jeltoqsandaǵy jaǵdai boiynsha bul járdemaqyny alýshylardyń sany - 207,2 adam, olarǵa 26,7 mlrd teńge tólengen. Bul memlekettik qoldaý túri Qazaqstanda 1999 jyly engizildi.
Járdemaqy alýǵa quqyly azamattardyń 17 sanaty Qazaqstan Respýblikasy zańnamasymen belgilengen:
- Uly Otan soǵysynyń ardagerleri men basqa memleketterdiń aýmaǵynda ótken áskeri is-qimyldarǵa qatysqan ardagerler;
- Uly Otan soǵysynyń ardagerlerine teńestirilgen azamattar;
- Uly Otan soǵysy kezinde qaza tapqan jaýyngerlerdiń áielderi men qaza tapqan áskeri qyzmetkerlerdiń otbasy músheleri;
- "Halyq qaharmany", "Qazaqstannyń Eńbek Eri" ataqtaryna ie bolǵandar;
- tyl eńbekkerleri;
- Chernobyl atom elektr stantsiiasyndaǵy apattyń saldaryn joiýǵa qatysqandar;
- saiasi repressiialardyń qurbandary, múgedektigi bar adamdar nemese zeinetkerler;
- Qazaqstan Respýblikasy aldyndaǵy erekshe eńbegi úshin zeinetaqy taǵaiyndalǵandar jáne basqa da azamattar.
Qansha teńge tólenedi?
Járdemaqy mólsheri sanatqa bailanysty jáne 2,13-ten 138,63 ailyq eseptik kórsetkishke deiin ózgerip otyrady. Arnaiy memlekettik járdemaqy mólsheri jyl saiyn AEK mólsheri artýyna bailanysty respýblikalyq biýdjet týraly zańda belgilengen tártip boiynsha kóterilip otyrady.
Azamat birneshe negiz boiynsha AMJ alýǵa quqyly bolsa, járdemaqy tek olardyń bireýi boiynsha, óz tańdaýy eskerilip tólenedi.
Qalai alýǵa bolady?
Qazaqstan Respýblikasynda turaqty turatyn sheteldikter men azamattyǵy joq tulǵalar da QR azamattarymen teń dárejede arnaiy memlekettik járdemaqy alýǵa quqyly.
AMJ taǵaiyndaý úshin ótinishti eGov.kz portaly arqyly nemese halyqqa qyzmet kórsetý ortalyqtarynda berý kerek.
