2025 جىلى 207 مىڭنان اسا قازاقستاندىق ارنايى مەملەكەتتىك جاردەماقى الدى، دەپ حابارلايدى Dalanews.kz.
ارنايى مەملەكەتتىك جاردەماقى كىمدەرگە بەرىلەدى؟
قازاقستاندا ەل الدىنداعى ايرىقشا ەڭبەگى ءۇشىن نەمەسە توتەنشە جاعدايلار سالدارىنان زارداپ شەككەن ازاماتتارعا قوسىمشا الەۋمەتتىك كومەك رەتىندە رەسپۋبليكالىق بيۋدجەتتەن اي سايىن ارنايى مەملەكەتتىك جاردەماقى تولەنەدى. 2025 جىلعى 31 جەلتوقسانداعى جاعداي بويىنشا بۇل جاردەماقىنى الۋشىلاردىڭ سانى - 207،2 ادام، ولارعا 26،7 ملرد تەڭگە تولەنگەن. بۇل مەملەكەتتىك قولداۋ ءتۇرى قازاقستاندا 1999 جىلى ەنگىزىلدى.
جاردەماقى الۋعا قۇقىلى ازاماتتاردىڭ 17 ساناتى قازاقستان رەسپۋبليكاسى زاڭناماسىمەن بەلگىلەنگەن:
- ۇلى وتان سوعىسىنىڭ ارداگەرلەرى مەن باسقا مەملەكەتتەردىڭ اۋماعىندا وتكەن اسكەري ءىس-قيمىلدارعا قاتىسقان ارداگەرلەر؛
- ۇلى وتان سوعىسىنىڭ ارداگەرلەرىنە تەڭەستىرىلگەن ازاماتتار؛
- ۇلى وتان سوعىسى كەزىندە قازا تاپقان جاۋىنگەرلەردىڭ ايەلدەرى مەن قازا تاپقان اسكەري قىزمەتكەرلەردىڭ وتباسى مۇشەلەرى؛
- "حالىق قاھارمانى"، "قازاقستاننىڭ ەڭبەك ەرى" اتاقتارىنا يە بولعاندار؛
- تىل ەڭبەككەرلەرى؛
- چەرنوبىل اتوم ەلەكتر ستانسياسىنداعى اپاتتىڭ سالدارىن جويۋعا قاتىسقاندار؛
- ساياسي رەپرەسسيالاردىڭ قۇرباندارى، مۇگەدەكتىگى بار ادامدار نەمەسە زەينەتكەرلەر؛
- قازاقستان رەسپۋبليكاسى الدىنداعى ەرەكشە ەڭبەگى ءۇشىن زەينەتاقى تاعايىندالعاندار جانە باسقا دا ازاماتتار.
قانشا تەڭگە تولەنەدى؟
جاردەماقى مولشەرى ساناتقا بايلانىستى جانە 2،13-تەن 138،63 ايلىق ەسەپتىك كورسەتكىشكە دەيىن وزگەرىپ وتىرادى. ارنايى مەملەكەتتىك جاردەماقى مولشەرى جىل سايىن اەك مولشەرى ارتۋىنا بايلانىستى رەسپۋبليكالىق بيۋدجەت تۋرالى زاڭدا بەلگىلەنگەن ءتارتىپ بويىنشا كوتەرىلىپ وتىرادى.
ازامات بىرنەشە نەگىز بويىنشا امج الۋعا قۇقىلى بولسا، جاردەماقى تەك ولاردىڭ بىرەۋى بويىنشا، ءوز تاڭداۋى ەسكەرىلىپ تولەنەدى.
قالاي الۋعا بولادى؟
قازاقستان رەسپۋبليكاسىندا تۇراقتى تۇراتىن شەتەلدىكتەر مەن ازاماتتىعى جوق تۇلعالار دا ق ر ازاماتتارىمەن تەڭ دارەجەدە ارنايى مەملەكەتتىك جاردەماقى الۋعا قۇقىلى.
امج تاعايىنداۋ ءۇشىن ءوتىنىشتى eGov.kz پورتالى ارقىلى نەمەسە حالىققا قىزمەت كورسەتۋ ورتالىقتارىندا بەرۋ كەرەك.
