2026 jyldyń maýsym aiynda Qazaqstandaǵy aiyrbastaý pýnktterinde qolma-qol rýbldiń taza usynysy 17,5 mlrd teńgeni qurap, mamyrmen salystyrǵanda 42%-ǵa, al ótken jyldyń sáikes kezeńimen salystyrǵanda 57%-ǵa azaidy, dep habarlaidy dalanews.kz.
Ulttyq bank derekterine sáikes, aiyrbastaý pýnktteri maýsymda halyqtan satqanynan kóbirek rýbl satyp alǵan.
Sarapshylardyń aitýynsha, bul úrdis teńgeniń rýblge shaqqandaǵy aitarlyqtai nyǵaiýymen tuspa-tus keldi. Maýsym aiynda Resei valiýtasynyń resmi baǵamy 10,1%-ǵa tómendep, 1 maýsymdaǵy 6,83 teńgeden 1 shildede 6,14 teńgege deiin arzandaǵan.
Qolma-qol rýblge degen teris taza suranys eldiń 12 óńirinde tirkelgen. Eń úlken úles Astana men Almatyǵa tiesili – jalpy kórsetkishtiń 71%-y osy eki qalaǵa keledi.
Al qalǵan segiz óńirde rýbldi satyp alý kóleminen satý kólemi asyp túsken. Bul kórsetkish boiynsha Qaraǵandy oblysy kósh bastap, aiyrmashylyq 1 mlrd teńgeni quraǵan.
Sonymen qatar maýsymda aiyrbastaý pýnktterindegi AQSh dollarynyń taza satylymy bir aida 94%-ǵa, bir jylda 16%-ǵa ósip, 126,5 mlrd teńgege jetti.
Al eýronyń taza satylymy sońǵy 16 aidaǵy eń joǵary deńgeige kóterilip, 25,7 mlrd teńgeni qurady. Bul mamyrmen salystyrǵanda 2,2 ese, al ótken jyldyń maýsymymen salystyrǵanda 22,4 ese kóp.
