2026 جىلدىڭ ماۋسىم ايىندا قازاقستانداعى ايىرباستاۋ پۋنكتتەرٸندە قولما-قول رۋبلدٸڭ تازا ۇسىنىسى 17,5 ملرد تەڭگەنٸ قۇراپ, مامىرمەن سالىستىرعاندا 42%-عا, ال ٶتكەن جىلدىڭ سەيكەس كەزەڭٸمەن سالىستىرعاندا 57%-عا ازايدى, دەپ حابارلايدى dalanews.kz.
ۇلتتىق بانك دەرەكتەرٸنە سەيكەس, ايىرباستاۋ پۋنكتتەرٸ ماۋسىمدا حالىقتان ساتقانىنان كٶبٸرەك رۋبل ساتىپ العان.
ساراپشىلاردىڭ ايتۋىنشا, بۇل ٷردٸس تەڭگەنٸڭ رۋبلگە شاققانداعى ايتارلىقتاي نىعايۋىمەن تۇسپا-تۇس كەلدٸ. ماۋسىم ايىندا رەسەي ۆاليۋتاسىنىڭ رەسمي باعامى 10,1%-عا تٶمەندەپ, 1 ماۋسىمداعى 6,83 تەڭگەدەن 1 شٸلدەدە 6,14 تەڭگەگە دەيٸن ارزانداعان.
قولما-قول رۋبلگە دەگەن تەرٸس تازا سۇرانىس ەلدٸڭ 12 ٶڭٸرٸندە تٸركەلگەن. ەڭ ٷلكەن ٷلەس استانا مەن الماتىعا تيەسٸلٸ – جالپى كٶرسەتكٸشتٸڭ 71%-ى وسى ەكٸ قالاعا كەلەدٸ.
ال قالعان سەگٸز ٶڭٸردە رۋبلدٸ ساتىپ الۋ كٶلەمٸنەن ساتۋ كٶلەمٸ اسىپ تٷسكەن. بۇل كٶرسەتكٸش بويىنشا قاراعاندى وبلىسى كٶش باستاپ, ايىرماشىلىق 1 ملرد تەڭگەنٸ قۇراعان.
سونىمەن قاتار ماۋسىمدا ايىرباستاۋ پۋنكتتەرٸندەگٸ اقش دوللارىنىڭ تازا ساتىلىمى بٸر ايدا 94%-عا, بٸر جىلدا 16%-عا ٶسٸپ, 126,5 ملرد تەڭگەگە جەتتٸ.
ال ەۋرونىڭ تازا ساتىلىمى سوڭعى 16 ايداعى ەڭ جوعارى دەڭگەيگە كٶتەرٸلٸپ, 25,7 ملرد تەڭگەنٸ قۇرادى. بۇل مامىرمەن سالىستىرعاندا 2,2 ەسە, ال ٶتكەن جىلدىڭ ماۋسىمىمەن سالىستىرعاندا 22,4 ەسە كٶپ.
