Qazaqstanda 9 bank jabylady, dep habarlaidy Dalanews.kz.
Bul rette Qazaqstannyń depozitterge kepildik berý qory (QDKQ) «dáleldi sebepter» boiynsha ótemaqy tóleýge ótinim qabyldaýdy jalǵastyrýda. 2025 jylǵy 1 naýryzdaǵy jaǵdai boiynsha qor 40 salymshyǵa 60 mln teńgeden astam ótemaqy tóledi. Bul qarajattar ótinim berýdiń merzimin ótkizip alǵan, biraq sebepterin rastaityn qujattar usynǵan salymshylardyń ótinishteri jeke qaralǵannan keiin berilgen, dep jazady "Myń teńge" telegram arnasy,
Jabylǵaly jatqan bankter mynalar:
-
«Valiýt-Tranzit Bank»
-
«Kazinvestbank»
-
Delta Bank
-
Qazaq Banki
-
Eksimbank Kazahstan
-
Astana bank
-
Tengri Bank
-
AsiaCredit Bank
-
Capital Bank Kazakhstan
Negizi, bul bankter boiynsha ótemaqy tóleý merzimi aiaqtalǵan. Talap etilmegen somalar salymshylardyń atyna Biryńǵai jinaqtaýshy zeinetaqy qoryndaǵy (BJZQ) jeke zeinetaqy shottaryna aýdaryldy. Alaida, ótinish berý merzimin ótkizip alǵan, biraq oǵan dáleldi sebepteri bar salymshylar áli de ótemaqy alý úshin ótinish bere alady.
Dáleldi sebepter qataryna mynalar jatady:
-
Áskeri qyzmetke shaqyrylý;
-
Qazaqstan aýmaǵynan tys jerde bolý;
-
Muragerlik rásimdeý;
-
Bas bostandyǵynan aiyrý oryndarynda bolý;
-
Sotpen belgilengen ózge de mán-jailar.
Ótemaqy alý quqyǵyn rastaý úshin árbir sebepke sáikes keletin qujattar qajet:
-
Áskeri qyzmetti ótkerý týraly – áskeri bólimnen anyqtama;
-
Elden tys jerde bolý týraly – shetelge shyqqanyn rastaityn pasporttaǵy mór nemese belgi;
-
Muragerlikke bailanysty – notarialdy kýálik nemese sot sheshimi jáne t.b.
Mańyzdysy – usynylǵan qujattar salymshynyń ótemaqy alýǵa ótinish bere almai júrgen tolyq kezeńdi úzdiksiz qamtýy tiis (bank litsenziiasynan aiyrylǵan kúnnen bastap 1 jyl).
Ótinishti azamat QDKQ keńsesine baryp nemese poshta arqyly joldai alady. Poshta arqyly jibergen jaǵdaida ótinish iesiniń qoly notarialdy kýálandyrylyp, jeke kýáliktiń kóshirmesi qosa tirkeledi. Qor ótinishterdi 5 jumys kúni ishinde qaraidy. Eger ótinish maquldansa – qarajat salymshynyń bank shotyna aýdarylady. Eger bas tartylsa – qor bas tartý sebepterin túsindirip, qatelikterdi túzetýge usynystar beredi.
Qazirgi tańda 148 myń salymshy ótemaqy alyp, 113 mlrd teńgeden astam qarajat qaitaryldy. Bul – qordyń barlyq mindettemesiniń 98%-yn quraidy.
Keńes alý úshin QDKQ bailanys ortalyǵyna 1460 nómiri arqyly habarlasýǵa, mamandarmen +7 (727) 312-24-49 jáne 312-24-41 telefondary arqyly sóilesýge bolady.
