قازاقستاندا 9 بانك جابىلادى, دەپ حابارلايدى Dalanews.kz.
بۇل رەتتە قازاقستاننىڭ دەپوزيتتەرگە كەپٸلدٸك بەرۋ قورى (قدكق) «دەلەلدٸ سەبەپتەر» بويىنشا ٶتەماقى تٶلەۋگە ٶتٸنٸم قابىلداۋدى جالعاستىرۋدا. 2025 جىلعى 1 ناۋرىزداعى جاعداي بويىنشا قور 40 سالىمشىعا 60 ملن تەڭگەدەن استام ٶتەماقى تٶلەدٸ. بۇل قاراجاتتار ٶتٸنٸم بەرۋدٸڭ مەرزٸمٸن ٶتكٸزٸپ العان, بٸراق سەبەپتەرٸن راستايتىن قۇجاتتار ۇسىنعان سالىمشىلاردىڭ ٶتٸنٸشتەرٸ جەكە قارالعاننان كەيٸن بەرٸلگەن, دەپ جازادى "مىڭ تەڭگە" تەلەگرام ارناسى,
جابىلعالى جاتقان بانكتەر مىنالار:
-
«ۆاليۋت-ترانزيت بانك»
-
«كازينۆەستبانك»
-
Delta Bank
-
Qazaq Banki
-
ەكسيمبانك كازاحستان
-
استانا بانك
-
Tengri Bank
-
AsiaCredit Bank
-
Capital Bank Kazakhstan
نەگٸزٸ, بۇل بانكتەر بويىنشا ٶتەماقى تٶلەۋ مەرزٸمٸ اياقتالعان. تالاپ ەتٸلمەگەن سومالار سالىمشىلاردىڭ اتىنا بٸرىڭعاي جيناقتاۋشى زەينەتاقى قورىنداعى (بجزق) جەكە زەينەتاقى شوتتارىنا اۋدارىلدى. الايدا, ٶتٸنٸش بەرۋ مەرزٸمٸن ٶتكٸزٸپ العان, بٸراق وعان دەلەلدٸ سەبەپتەرٸ بار سالىمشىلار ەلٸ دە ٶتەماقى الۋ ٷشٸن ٶتٸنٸش بەرە الادى.
دەلەلدٸ سەبەپتەر قاتارىنا مىنالار جاتادى:
-
ەسكەري قىزمەتكە شاقىرىلۋ;
-
قازاقستان اۋماعىنان تىس جەردە بولۋ;
-
مۇراگەرلٸك رەسٸمدەۋ;
-
باس بوستاندىعىنان ايىرۋ ورىندارىندا بولۋ;
-
سوتپەن بەلگٸلەنگەن ٶزگە دە مەن-جايلار.
ٶتەماقى الۋ قۇقىعىن راستاۋ ٷشٸن ەربٸر سەبەپكە سەيكەس كەلەتٸن قۇجاتتار قاجەت:
-
ەسكەري قىزمەتتٸ ٶتكەرۋ تۋرالى – ەسكەري بٶلٸمنەن انىقتاما;
-
ەلدەن تىس جەردە بولۋ تۋرالى – شەتەلگە شىققانىن راستايتىن پاسپورتتاعى مٶر نەمەسە بەلگٸ;
-
مۇراگەرلٸككە بايلانىستى – نوتاريالدى كۋەلٸك نەمەسە سوت شەشٸمٸ جەنە ت.ب.
ماڭىزدىسى – ۇسىنىلعان قۇجاتتار سالىمشىنىڭ ٶتەماقى الۋعا ٶتٸنٸش بەرە الماي جٷرگەن تولىق كەزەڭدٸ ٷزدٸكسٸز قامتۋى تيٸس (بانك ليتسەنزيياسىنان ايىرىلعان كٷننەن باستاپ 1 جىل).
ٶتٸنٸشتٸ ازامات قدكق كەڭسەسٸنە بارىپ نەمەسە پوشتا ارقىلى جولداي الادى. پوشتا ارقىلى جٸبەرگەن جاعدايدا ٶتٸنٸش يەسٸنٸڭ قولى نوتاريالدى كۋەلاندىرىلىپ, جەكە كۋەلٸكتٸڭ كٶشٸرمەسٸ قوسا تٸركەلەدٸ. قور ٶتٸنٸشتەردٸ 5 جۇمىس كٷنٸ ٸشٸندە قارايدى. ەگەر ٶتٸنٸش ماقۇلدانسا – قاراجات سالىمشىنىڭ بانك شوتىنا اۋدارىلادى. ەگەر باس تارتىلسا – قور باس تارتۋ سەبەپتەرٸن تٷسٸندٸرٸپ, قاتەلٸكتەردٸ تٷزەتۋگە ۇسىنىستار بەرەدٸ.
قازٸرگٸ تاڭدا 148 مىڭ سالىمشى ٶتەماقى الىپ, 113 ملرد تەڭگەدەن استام قاراجات قايتارىلدى. بۇل – قوردىڭ بارلىق مٸندەتتەمەسٸنٸڭ 98%-ىن قۇرايدى.
كەڭەس الۋ ٷشٸن قدكق بايلانىس ورتالىعىنا 1460 نٶمٸرٸ ارقىلى حابارلاسۋعا, ماماندارمەن +7 (727) 312-24-49 جەنە 312-24-41 تەلەفوندارى ارقىلى سٶيلەسۋگە بولادى.
