Qazaqstandaǵy ýran qory ulttyq atom stantsiialaryn keminde 60 jyl qamtamasyz etýge jetkilikti. Bul týraly Atom energiiasy jónindegi agenttik tóraǵasynyń orynbasary Ǵumar Serǵazin málimdedi, dep habarlaidy Dalanews.kz silteme jasap.
“Ulttyq atom stantsiialarymyzdy qamtamasyz etýge jetkilikti ýran bar. Qazirgi resmi málimetke sáikes, eldegi tabiǵi ýran qory shamamen 1 million tonnaǵa jýyq. Finliandiiamen de kelissózder júrgizip jatyrmyz. Olarda eki atom elektr stantsiiasy salynyp jatyr. Kelisimge kelse, jetkizý múmkindigi qamtamasyz etiledi”, - dedi Ǵumar Serǵazin Informburo.kz-ke bildirgen pikirinde.
Eske salaiyq, 28 qazanda Aqordada ótken is-sharanyń kýlýarynda Atom energiiasy jónindegi agenttiktiń tóraǵasy Almasadam Sátqaliev Qazaqstan ýranyn eksporttaý jospary týraly aitqan edi.
"Finliandiianyń atom elektr stantsiialaryna – satyp alýshylarǵa qazaqstandyq ýran jetkizý múmkindikteri talqylanýda. Qazaqstan árdaiym halyqaralyq naryqty keńeitýge múddeli, biz árdaiym seriktesterimizge qazaqstandyq ýrandy satyp alý múmkindigin qarastyrýdy usynamyz. Biz bul usynysty áriptesterimizge jetkizemiz", – dedi ol.
Onyń aitýynsha, buǵan deiin Finliandiia biligi bul máselege zor qyzyǵýshylyq bildirgen.
"Bul sapar – osyndai tasymaldyń kólemi men múmkindikteri jóninde naqty kelissózder júrgizýge óte jaqsy múmkindik", – dep túiindedi Almasadam Sátqaliev.
