Qazaqstanda densaýlyq jaǵdaiyna bailanysty kólik basqarýǵa ruqsaty joq 10 myńnan astam azamattyń júrgizýshi kýáliginiń kúshi toqtatyldy, dep habarlaidy dalanews.kz.
Bul Densaýlyq saqtaý ministrligi, Bas prokýratýra jáne Ishki ister ministrliginiń aqparattyq júielerin integratsiialaý nátijesinde belgili boldy.
Densaýlyq saqtaý vitse-ministri Erbol Ospanovtyń málimetinshe, kólik júrgizýge kedergi keltiretin aýrýlardyń 8 negizgi toby bar. Osyndai meditsinalyq qarsy kórsetilimderi bar azamattardy anyqtaý jáne baqylaý jumystary aldaǵy ýaqytta da jalǵasady.
Sonymen qatar júrgizýshi kýáligin rásimdeý barysynda ótetin meditsinalyq tekserý úderisi tolyqtai tsifrlandyryldy. Endi meditsinalyq anyqtamalar elektrondy túrde rásimdelip, komissiia qorytyndylary biryńǵai aqparattyq júiege engiziledi.
