«Qazaqstan «vahta» sıaqty. Baılar aqsha jınaıdy da, Shveısarıaǵa baryp turady. Aqsha jınap jatqan biraz adamdar Dýbaıdan, Ispanıadan úı salyp qoıdy.
Bul ne degen sóz? Bul Qazaqstan – turýǵa kelmeıdi degen sóz. Bul – bizdiń el qarjy jınaýdyń kózi degen sóz. Halyq osy elmen bolashaǵyn baılamasa, urpaǵym osynda turady dep eseptemese, osy jerde qalamyn degen oıy bolmasa, munda durys memleket quryla ma? Qurylmaıdy!
«Qazaqstandyq ult» degen sózdiń ózi bizdiń Konstıtýsıaǵa qaıshy. Ýnıtarlyq memlekette bir ǵana ult bolady. Bir mysal aıtaıyn: eger men sheshen bolsam, Qazaqstanǵa qańǵyryp kelgen sheshen bolamyn. Men azýlylyǵymnan, myqtylyǵymnan Aqtaýdyń portyn tartyp alamyn. Kez kelgen sheneýniktiń balasyn urlap áketemin dep qorqytyp, tenderdi tartyp alamyn. Buǵan eshqandaı qazaq qarsy kelmeıdi.
Qarsy sóz sóıleıtin qazaqtyń basy baıaǵyda qyrqylǵan. Talǵat Atabaev, Sary Almas, Qara Almas sekildi myqty jigitterdiń bári ólgen. Bul jerde ylǵı quldyń tuqymy qalǵan. Úıine kirip alyp baýyzdap jatsań, ara túsetin eshkim joq! Bizdiń rýhymyz óshti! Biz ult retinde qurydyq!
Nelikten qurydyq? Sebebi, biz ımansyzdyqqa bet alyp baramyz. Nelikten ımansyzdyqqa bet aldyq? Mahambettiń: «Musylmanshylyq kimde joq, tilde bar da, bilde joq», degen sózi qaıda? Parlamenttegilerge de quldyq sana dendep sińgen.
Quldyq sana nelikten sińgen? Óıtkeni olar bir kúngi toıǵanyn oılaıdy, bir kúngi jannyń jylynǵanyn oılaıdy».
«Tasjarǵan», №3, 21 qańtar, 2009 jyl.
Facebook`tegi Jaýjúrek esimdi qoldanýshynyń paraqshasynan.
