Qazaqstan tórt ai qatarynan munaiǵa eksporttyq baj mólsherin tómendetip keledi, dep habarlaidy Dalanews.kz.
Sarapshylardyń sózinshe, 1 jeltoqsannan bastap munaiǵa arnalǵan eksporttyq kedendik baj mólsheri (EKB) qarashamen salystyrǵanda taǵy 3%-ǵa tómendep, tonnasyna 64 AQSh dollarynan 66 dollarǵa deiin tómendedi.
Qazan aiynda EKB tonnasyna 68 dollardy quraǵan (qyrkúiekpen salystyrǵanda 3% tómendeý), qyrkúiekte – tamyzben salystyrǵanda 4% tómendeý tirkelgen. EKB-niń tómendeýi KEBCO jáne Brent markaly munai baǵasynyń álemdik naryqtaǵy quldyraýymen sinhrondy júrýde. Bul Qazaqstan úshin jaǵymsyz jańalyq bolyp otyr.
Jeltoqsanda mazýtqa arnalǵan eksporttyq baj tonnasyna 30 dollar, vakýýmdyq gazoilge (VGO) – 60 dollar, suiytylǵan kómirsýtekti gazǵa nóldik mólsherde belgilengen. Bitýmǵa arnalǵan baj «tómen suranys» kezeńinde, iaǵni 1 qazannan 31 mamyrǵa deiin 15 eýrony quraidy.
