Qazaqstan Stati isi boiynsha sot protsesterine qansha qarajat jumsaǵany týraly derekter paida boldy, - dep habarlaidy Dalanews.kz Shiskin like telegram arnasyna siltep.
Anatolii Stati 2013 jyldyń jeltoqsanynan bastap Qazaqstan bul is boiynsha sot shyǵyndaryna 300 million AQSh dollarynan astam qarajat jumsady dep málimdegen bolatyn. Alaida Qazaqstannyń Ádilet ministrligi bul aqparatty joqqa shyǵaryp.
«Sybailas jemqorlyqty zertteý qory» 2021 jyly jýrnalisterdiń osy iske bailanysty tikelei jáne janama múliktik shyǵyndardy eseptep shyqqanyn jazǵan bolatyn. Sol esep boiynsha shyǵyn kólemi - 337 million AQSh dollar.
Depýtat Azat Perýashevtiń aitýynsha, keibir derekterge sáikes, Qazaqstan sot protsesterine Stati talap etken somadan eki ese kóp qarajat jumsaǵan. 2024 jyldyń naýryzynda ol osy kópjyldyq sot isterine jumsalǵan shyǵyndardy naqtylaý úshin depýtattyq saýal joldady. Sol kezde májilismen Qazaqstannyń bul is boiynsha múddelerin uzaq ýaqyt boiy qorǵaǵan Bolashak Consulting Group zańgerlik firmasyna memleket jyl saiyn 60 million dollar tólep otyrǵanyn málimdedi.
Eske salaiyq, kúni keshe Qazaqstannyń Úkimeti, Ulttyq bank jáne Stati tarapy kelisimge kelip, munai-gaz salasyndaǵy daý-damaiǵa núkte qoiylǵany belgili boldy.
Bul týraly Ádilet ministrligi habarlady.
"Qol qoiylǵan túpkilikti retteý týraly bul kelisim barlyq aǵymdaǵy daýlardy bolashaqta qaita qozǵaý quqyǵynsyz doǵarýǵa negiz bolyp tabylady. Kelisimniń naqty sharttary qupiia qaldyrylady", delingen ministrlik habarlamasynda.
CEO Argentem Creek Partners Deniel Chapman bul retteý jumysy barlyq taraptar úshin máseleni ádil sheshý jolyn izdeý maqsatynda Qazaqstan Respýblikasy qabyldaǵan tásildi, bul atalǵan el investordyń quqyqtary saqtalatyn oryn bolyp tabylatynyn atap kórsetedi.
"Biz Prezident Qasym-Jomart Toqaevqa sheteldik investorlardyń Qazaqstan týraly túsinigin ózgertýdegi kóshbasshylyǵy úshin alǵys aitamyz. Biz bolashaqta jańa jobalarmen jumys isteýdi asyǵa kútemiz", - dedi ol.
Argentem Creek Partners – Stati taraptarynyń investitsiialyq quraly - Tristan Oil Limited-tiń kreditorlary bolyp tabylatyn naqty qorlardyń investitsiialyq basqarýshysy.
"Uzaqqa sozylǵan daý-damaiǵa núkte qoiylǵannan keiin Qazaqstanda ekonomikany damytý úshin, onyń ishinde investitsiialar tartý arqyly, qosymsha múmkindikter paida bolady. Bul rette, men buryn atap ótkendei, respýblikalyq biýdjetten retteý sheńberinde qarajat paidalanylmady", - dedi Ádilet ministri Azamat Esqaraev.
Aita ketelik, 2018 jyldyń qańtar aiynyń basynda Amsterdam soty moldovan kásipkeriniń shaǵymy boiynsha, "Samuryq-Qazyna" ulttyq ál-aýqat qoryna tiesili KMG Kashagan BV golland kompaniiasynyń 5,2 mlrd dollar bolatyn aktsiiasyn buǵattaý týraly sheshimin ózgerissiz qaldyrdy.
Al bul sot sheshimi 2017 jyldyń 8 qyrkúieginde shyqqan edi. Stokgolm saýda palatasy bastamasymen qurylǵan sot qazaqstandyq tarapqa halyqaralyq mindettemelerin buzyp, Statige zalal keltirgen úshin 500 millionnan astam dollar tóleýdi mindettegen. Al jeltoqsan aiynda Ulttyq qordyń aktivine qyzmet kórsetetin Bank of New York Mellon Qazaqstan ulttyq qorynyń 22 milliard dollaryn buǵattaǵan edi.
Odan soń Ulttyq qordyń aqshasyn retteýshi Ulttyq bank elimizdiń atynan qarsy shaǵym túsirgenin málimdedi. Bizge belgili bolǵandai,Qazaqstan moldovan kásipkeri Stati men onyń sybailastaryn alaiaqtyq áreketteri úshin "Ujymdasqan qylmyspen jáne sybailas jemqorlyqpen kúres týraly" AQSh zańy aiasynda jazaǵa tartýdy surady.
Anatoli Stati "Biz Qazaqstannan ótemaqyny asyqpai, biraq senimdi túrde óndirtip jatyrmyz. Birneshe jyl buryn Qazaqstannyń 1 milliard dollardyń jartysyn tólep qutylatyn múmkindigi bolyp edi. Biraq osy qomaqty shyǵyndardan jeke paida kórgender basqasha sheshim qabyldady", – dep otyrǵan edi.
