General-leitenant, Qazaqstannyń Ulttyq qaýipsizdik qyzmetin basqarǵan Nartai Dútbaev Reseidegi teraktke qatysty oiyn aitty, - dep habarlaidy Dalanews.kz.
Dútbaev Reseidegi teraktti jasady dep aiyptalǵan kúdiktilerge qatysty pikir bildirdi.
«Men olardy (terakt jasaǵan kúdiktilerdi) baiǵus dep aitpas edim. Olar terrorist ekeni dáleldendi. Olardyń biri bárin videoǵa túsirip, terroristik uiymdardyń saitynda jariialandy. Ol tanymal qurylym. Iaǵni FSB nemese Ýkraina sol materialdardy alyp, «Ýáláiat Horasanǵa» jiberip, olar óz atynan videony jariialaǵan», - deidi general-leitenant Barys media arnasyna bergen suhbatynda.
Sonymen qatar, Nartai Dútbaev Qazaqstan bul jaǵdaidan qandai sabaq alýy keregin aitty.
«Eń keminde biz barlaý qyzmetiniń jumysyn túbegeili qaita qurý qajet. Bul sala maǵan jaqyn. Sondyqtan ol jaily aita alamyn», - deidi Nartai Dútbaev.
Eske salaiyq, 22 naýryzda keshki ýaqytta Máskeýdegi "Krokýs siti holl" kontsert zalynda terakt bolǵan edi. Qarý asynǵan birneshe adam qarapaiym turǵyndarǵa oq jaýdyrǵan.
Osy tusta, terakt uiymdastyrdy degen kúdikpen birneshe azamat ustaldy.
Buǵan deiin Reseidiń Tergeý komiteti terroristerdiń boljamdy úsh sybailasyn tutqyndaýdy suraǵan bolatyn. Olarǵa qatysty is materialdary Basman sotyna tústi.
Mash arnasy olardyń esimderin jariia etti.
"Olar - Aminchon, Dilovar jáne Isroil Islomovtar (ákesi men eki aǵaiyndy). Olar terroristerge kómek, bailanys, logistika uiymdastyrdy degen kúdikke ilindi", - dep jazylǵan arna málimetinde.
Sonymen qatar bul qatarda Qyrǵyzstan azamaty Álisher Kasimov ta bar.
"Basmannyi aýdandyq soty RF Qylmystyq kodeksiniń 205-baby 3-bóliginiń "b" tarmaǵynda kózdelgen qylmysty jasady dep aiyptalǵan Qyrǵyz Respýblikasynyń týmasy Alisher Hatamovich Kasimovqa qatysty bultartpaý sharasyn tańdady ( Tergeýshiniń A.H. Kasimovqa qatysty bir ai 27 táýlikke, iaǵni 2024 jyldyń 22 mamyryna deiin qamaýǵa alý túrindegi bultartpaý sharasyn tańdaý týraly ótinishin sot qanaǵattandyrdy", - delingen habarlamada.
