A’Studio mýzykalyq tobynyń burynǵy múshesi Tamerlan Sadvaqasov Máskeýde mas kúide kólik júrgizdi degen kúdikpen ustaldy, dep habarlaidy Dalanews.kz reseilik BAQ-qa silteme jasap.
Telegram-daǵy 112 arnasynyń málimetinshe, ony tańǵy saǵat 5 shamasynda Volokolam tasjolynda jol erejesin buzǵany úshin jol politsiiasy toqtatqan. Óner adamy meditsinalyq kýálandyrýdan ótýden bas tartqan, keiin bólimshege jetkizilip, oǵan qatysty ákimshilik hattama toltyrylǵan.
Tamerlan Sadvakasov - gitarist ári vokalist, A’Studio tobynyń marqum múshesi Baǵlan Sadvaqasovtyń uly. Ákesi 2006 jyly qaitys bolǵannan keiin onyń ornyn top quramynda basqan. Keiin óz mýzykalyq jobasyn qurdy.
Baǵlan Sadvakasov A’Studio tobynyń gitarisi ári kóptegen tanymal ánderdiń avtory bolǵan. Ol 1990-jyldary men 2000-jyldardyń basynda toptyń mýzykalyq stiliniń qalyptasýyna eleýli úles qosqan. Mýzykant 2006 jyldyń 2 tamyzynda Máskeýde jol apatynan qaza tapqan.
