A’Studio مۋزىكالىق توبىنىڭ بۇرىنعى مۇشەسى تامەرلان سادۆاقاسوۆ ماسكەۋدە ماس كۇيدە كولىك جۇرگىزدى دەگەن كۇدىكپەن ۇستالدى، دەپ حابارلايدى Dalanews.kz رەسەيلىك باق-قا سىلتەمە جاساپ.
Telegram-داعى 112 ارناسىنىڭ مالىمەتىنشە، ونى تاڭعى ساعات 5 شاماسىندا ۆولوكولام تاسجولىندا جول ەرەجەسىن بۇزعانى ءۇشىن جول پوليسياسى توقتاتقان. ونەر ادامى مەديسينالىق كۋالاندىرۋدان وتۋدەن باس تارتقان، كەيىن بولىمشەگە جەتكىزىلىپ، وعان قاتىستى اكىمشىلىك حاتتاما تولتىرىلعان.
تامەرلان سادۆاكاسوۆ - گيتاريست ءارى ۆوكاليست، A’Studio توبىنىڭ مارقۇم مۇشەسى باعلان سادۆاقاسوۆتىڭ ۇلى. اكەسى 2006 جىلى قايتىس بولعاننان كەيىن ونىڭ ورنىن توپ قۇرامىندا باسقان. كەيىن ءوز مۋزىكالىق جوباسىن قۇردى.
باعلان سادۆاكاسوۆ A’Studio توبىنىڭ گيتاريسى ءارى كوپتەگەن تانىمال اندەردىڭ اۆتورى بولعان. ول 1990-جىلدارى مەن 2000-جىلداردىڭ باسىندا توپتىڭ مۋزىكالىق ءستيلىنىڭ قالىپتاسۋىنا ەلەۋلى ۇلەس قوسقان. مۋزىكانت 2006 جىلدىڭ 2 تامىزىندا ماسكەۋدە جول اپاتىنان قازا تاپقان.
