Qostanaida terakt týraly jalǵan habar taratqan jasóspirimge sot úkimi shyqty, dep habarlaidy Dalanews.kz.
Oblystyq politsiia departamentiniń ekstremizmge qarsy is-qimyl basqarmasynyń qyzmetkerleri jedel-izdestirý sharalary barysynda jalǵan habar taratqan jasóspirimniń jeke basyn anyqtady. Ol Qostanaidaǵy saýda ortalyqtarynyń birinde terakt uiymdastyrylaiyn dep jatyr ádeii jalǵan málimet bergen. Osyǵan bailanysty jasóspirim qylmystyq jaýapkershilikke tartyldy.
Isti qaraý qorytyndysy boiynsha Qostanai oblysynyń kámeletke tolmaǵandar isteri jónindegi mamandandyrylǵan aýdanaralyq soty quqyq buzýshyǵa bir jyl merzimge bas bostandyǵyn shekteý jazasyn taǵaiyndap, probatsiialyq baqylaý belgiledi.
Sot aktisi zańdy kúshine engen joq.
Politsiia qyzmetkerleri terroristik akt týraly kórineý jalǵan habar taratý qylmystyq jaýapkershilikke ákep soǵatynyn eskertti.
