قوستانايدا تەراكت تۋرالى جالعان حابار تاراتقان جاسوسپىرىمگە سوت ۇكىمى شىقتى، دەپ حابارلايدى Dalanews.kz.
وبلىستىق پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ شارالارى بارىسىندا جالعان حابار تاراتقان ءجاسوسپىرىمنىڭ جەكە باسىن انىقتادى. ول قوستانايداعى ساۋدا ورتالىقتارىنىڭ بىرىندە تەراكت ۇيىمداستىرىلايىن دەپ جاتىر ادەيى جالعان مالىمەت بەرگەن. وسىعان بايلانىستى ءجاسوسپىرىم قىلمىستىق جاۋاپكەرشىلىككە تارتىلدى.
ءىستى قاراۋ قورىتىندىسى بويىنشا قوستاناي وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتى قۇقىق بۇزۋشىعا ءبىر جىل مەرزىمگە باس بوستاندىعىن شەكتەۋ جازاسىن تاعايىنداپ، پروباسيالىق باقىلاۋ بەلگىلەدى.
سوت اكتىسى زاڭدى كۇشىنە ەنگەن جوق.
پوليسيا قىزمەتكەرلەرى تەرروريستىك اكت تۋرالى كورىنەۋ جالعان حابار تاراتۋ قىلمىستىق جاۋاپكەرشىلىككە اكەپ سوعاتىنىن ەسكەرتتى.
