Qazaqstan Qatardan – 343, al Omannan 467 azamatyn evakýatsiialaýdy josparlap otyr. Bul maqsatta Air Astana jáne SCAT áýe kompaniialary alty ushaqty ázirlegen,dep habarlaidy Dalanews.kz.
Syrtqy ister ministriniń orynbasary Álibek Baqaýovtyń málimetinshe, alǵashqy reis Omannan tikelei ushady. Ekinshi baǵyt kúrdelirek: Qatardan qazaqstandyqtar aldymen Er-Riiadqa jetkizilip, odan ári avtobýspen Jiddaǵa barady. Jiddadan olar Qazaqstanǵa ushaqpen jetkiziledi.
Irannyń áýe keńistigi jabyq bolǵandyqtan, ol elden azamattardy tek qurlyq arqyly shyǵarý múmkin. Keshe Irannyń Gorgan qalasynan shyqqan 17 qazaqstandyq Túrikmenstan shekarasynan ótken.
"Azamattarymyz shekaradan aman-esen ótti. Qazir Qazaqstanǵa jolda", – dedi Álibek Baqaýov.
Aita keteiik, Syrtqy ister ministrliginiń málimetinshe, qazirgi ýaqytta Iran aýmaǵynda Qazaqstannyń 84 azamaty júr. Olardyń ishinde eki stýdent, osy elde uzaq ýaqyttan beri turyp jatqan alty adam, 18 diplomat jáne Zakruh altyn óndirýshi kompaniiasynyń 58 qyzmetkeri bar. Týrister tirkelmegen
