23-26 aqpan aralyǵynda Qazaqstan delegatsiiasynyń Nigeriia Federativtik Respýblikasyna resmi sapary ótti. Sapar barysynda Qazaqstannyń Nigeriia Federatsiiasymen áriptestiktiń úsh baǵyty usynyldy, dep habarlaidy Dalanews.kz.
Sapar barysynda Nigeriia koroli Ooni of Ifespen jáne Nigeriia FR-nyń ortalyq memlekettik organdarymen, atap aitqanda Syrtqy ister ministrligimen, Ónerkásip, Bailanys jáne tsifrlyq ekonomika, Aýyl sharýshylyǵy, Kólik ministrlikteri ókilderimen jáne Nigeriianyń munai resýrstary ministrimen resmi kezdesýler ótti.
Sondai-aq Nigeriia Federatsiiasynyń iri jáne orta biznes ókilderimen júzdesýler uiymdastyryldy.
Ministrlik tarapynan Qazaqstannyń Nigeriia Federatsiiasymen áriptestik úsh baǵyt boiynsha usynyldy.
"Birinshi baǵyt - taý-ken metallýrgiia ónerkásibi, onyń ishinde sirek jáne jer sirek metaldaryn Nigeriia aýmaǵynda zertteý, ekinshisi - himiia jáne munai-himiia baǵyty, bul jerde qazaqstandyq tyńaitqyshtardy Nigeriia naryǵyna jetkizý máselesi qaraldy, sondai-aq qorǵanys-ónerkásip kesheni salasyndaǵy yntymaqtastyq perspektivalary talqylandy", delingen Ónerkásip jáne qurylys ministrligi habarlamasynda.
Sapar aiasynda usynylǵan josparlar men ideialar eki el arasyndaǵy bailanystardyń odan ári nyǵaiýy men damýyna serpin bereri aiqyn.
Buǵan deiin Nigeriia Qazaqstan munaiyna qyzyǵýshylyq tanytyp otyrǵanyn jazǵanbyz.
Sondai-aq saitymyzda: "Tramp qaýzap jatyr". Sarapshy shuǵyl túrde strategiialyq aktivter agenttigin qurýdy usyndy" degen maqala jariialanǵan bolatyn.
