23-26 اقپان ارالىعىندا قازاقستان دەلەگاسياسىنىڭ نيگەريا فەدەراتيۆتىك رەسپۋبليكاسىنا رەسمي ساپارى ءوتتى. ساپار بارىسىندا قازاقستاننىڭ نيگەريا فەدەراسياسىمەن ارىپتەستىكتىڭ ءۇش باعىتى ۇسىنىلدى، دەپ حابارلايدى Dalanews.kz.
ساپار بارىسىندا نيگەريا كورولى Ooni of Ifeسپەن جانە نيگەريا فر-نىڭ ورتالىق مەملەكەتتىك ورگاندارىمەن، اتاپ ايتقاندا سىرتقى ىستەر مينيسترلىگىمەن، ونەركاسىپ، بايلانىس جانە سيفرلىق ەكونوميكا، اۋىل شارۋشىلىعى، كولىك مينيسترلىكتەرى وكىلدەرىمەن جانە نيگەريانىڭ مۇناي رەسۋرستارى مينيسترىمەن رەسمي كەزدەسۋلەر ءوتتى.
سونداي-اق نيگەريا فەدەراسياسىنىڭ ءىرى جانە ورتا بيزنەس وكىلدەرىمەن جۇزدەسۋلەر ۇيىمداستىرىلدى.
مينيسترلىك تاراپىنان قازاقستاننىڭ نيگەريا فەدەراسياسىمەن ارىپتەستىك ءۇش باعىت بويىنشا ۇسىنىلدى.
"ءبىرىنشى باعىت - تاۋ-كەن مەتاللۋرگيا ونەركاسىبى، ونىڭ ىشىندە سيرەك جانە جەر سيرەك مەتالدارىن نيگەريا اۋماعىندا زەرتتەۋ، ەكىنشىسى - حيميا جانە مۇناي-حيميا باعىتى، بۇل جەردە قازاقستاندىق تىڭايتقىشتاردى نيگەريا نارىعىنا جەتكىزۋ ماسەلەسى قارالدى، سونداي-اق قورعانىس-ونەركاسىپ كەشەنى سالاسىنداعى ىنتىماقتاستىق پەرسپەكتيۆالارى تالقىلاندى"، دەلىنگەن ونەركاسىپ جانە قۇرىلىس مينيسترلىگى حابارلاماسىندا.
ساپار اياسىندا ۇسىنىلعان جوسپارلار مەن يدەيالار ەكى ەل اراسىنداعى بايلانىستاردىڭ ودان ءارى نىعايۋى مەن دامۋىنا سەرپىن بەرەرى ايقىن.
بۇعان دەيىن نيگەريا قازاقستان مۇنايىنا قىزىعۋشىلىق تانىتىپ وتىرعانىن جازعانبىز.
سونداي-اق سايتىمىزدا: "ترامپ قاۋزاپ جاتىر". ساراپشى شۇعىل تۇردە ستراتەگيالىق اكتيۆتەر اگەنتتىگىن قۇرۋدى ۇسىندى" دەگەن ماقالا جاريالانعان بولاتىن.
