Kaspii qubyr konsortsiýmynyń (KQK) Novorossiisk mańyndaǵy teńiz terminalynyń ákimshilik ǵimaratyna pilotsyz ushý apparattary (drondar) shabýyl jasady, dep habarlaidy Dalanews.kz.
“2025 jyldyń 25 qarashasyna qaraǵan túnde Novorossiisk teńiz ailaǵyna jasalǵan dron soqqysynyń saldarynan KQK teńiz terminalynyń ákimshilik korpýsy soqqy bóliginiń zaqymdaýshy elementterinen búlindi. Ońtústik Ozereevka aýylynda KQK-nyń basty basqarý ortalyǵy ornalasqan. Sol jerden Teńiz – Novorossiisk qubyr jelisiniń Qazaqstan men Resei aýmaǵyndaǵy búkil jumys úderisi baqylanady”, – delingen konsortsiým taratqan resmi habarlamada.
Abyroi bolǵanda, oqiǵa saldarynan zardap shekkender joq.
“Qala boiynsha “Dron qaýpi” dabyly jariialanǵan boida qyzmetkerler dereý qaýipsiz oryndarǵa evakýatsiialandy. Ailaqtaǵy júk operatsiialary ýaqytsha toqtatyldy. Krasnodar ólkesiniń gýbernatory Veniamin Kondratev túngi shabýyldy sońǵy ýaqyttaǵy eń uzaq ári eń jappai jasalǵan shabýyldardyń biri dep sipattady: jaraqat alǵandar bar, turǵyn úiler búlingen”, – dep tolyqtyrdy KQK.
Konsortsiým 2025 jyldyń 24 qyrkúieginde Novoreseidegi KQK teńiz terminalynyń qalalyq keńsesi de dron soqqysyna ushyraǵanyn eske saldy.
“2025 jyldyń 17 aqpanynda Kaspii Qubyr Konsortsiýmynyń eń iri nysandarynyń biri – “Kropotkin” munai aidaý stantsiiasyna birden jeti dronmen shabýyl jasaldy. Shabýyl ýaqyttyq aralyqpen jasalyp, nysannyń jumysyn buzýdy ǵana emes, stantsiiada kezekshilik etip júrgen qyzmetkerler arasynda adam shyǵynyna ákelýdi maqsat etken. Qalpyna keltirý jumystarynyń kesheninen keiin “Kropotkin” stantsiiasy 2025 jyldyń mamyr aiynda qaita iske qosyldy”, – delingen habarlamada.
