Qazaqstan Prezidenti shaǵyn quramdaǵy kezdesýdiń qorytyndysyna joǵary baǵa berip, Mońǵoliiamen memleketaralyq qarym-qatynasty odan ári damytýdyń basym baǵyttaryn aiqyndady. Al Ýhnaagiin Hýrelsýh Qasym-Jomart Toqaevtyń eki el arasyndaǵy taýar ainalymyn 500 million dollarǵa deiin jetkizý týraly usynysyn qoldady, dep habarlaidy Dalanews.kz Aqordanyń baspasóz qyzmetine silteme jasap.
– Qazaq jáne mońǵol halyqtary – Uly dala órkenietiniń muragerleri. Yntymaqtastyqty jańa strategiialyq deńgeige kóterý eki eldiń múddesine sai keledi. Biz mońǵol halqyna úlken qurmetpen qaraimyz jáne Mońǵoliianyń jetistigine árdaiym qýanamyz. Qazirgi ýaqytta Sizdiń bastamańyzben aýqymdy saiasi-ekonomikalyq jáne áleýmettik reformalar qolǵa alyndy. "Vision-2050", "Azyq-túlikpen qamtamasyz etý jáne onyń qaýipsizdigi", "Salaýatty mońǵol ulty" siiaqty mańyzdy memlekettik baǵdarlamalar júzege asyrylyp jatyr, – dedi Memleket basshysy.
Qasym-Jomart Toqaev eki eldiń arasynda tyǵyz parlamentaralyq jáne úkimetaralyq bailanystar qalyptasqanyn eske salyp, yntymaqtastyqty nyǵaitýǵa aitarlyqtai múmkindik bar ekenine nazar aýdardy
– Saýda-ekonomika, aýyl sharýashylyǵy, kólik-logistika, taý-ken indýstriiasy, ónerkásip, investitsiia, jańa tehnologiialar, ǵaryshty igerý salalarynda yqpaldastyqty jandandyrý qajet. Búgin qol qoiylatyn qujattar saiasi jáne ekonomikalyq alys-beristi damytýǵa tyń serpin beredi dep senemin, – dedi Prezident.
Qasym-Jomart Toqaev qol jetkizilgen ýaǵdalastyqtardy eki el úkimetteri ýaqtyly jáne sapaly júzege asyrýy qajet dep sanaidy.
Budan bólek, Memleket basshysy mádeni-gýmanitarlyq bailanysty nyǵaitýdyń mán-mańyzyna toqtalyp, Astanada ótken Dúniejúzilik kóshpendiler oiyndaryna qatysqany úshin mońǵol sportshylaryna alǵys aitty.
Qasym-Jomart Toqaev Qazaqstan mońǵol stýdentteri úshin kvota sanyn ulǵaitýǵa daiyn ekenin málimdedi. Sondai-aq eki el ǵalymdaryn ortaq bai tarihi muramyzdy birlese zertteýge shaqyrdy.
Budan bólek, Prezident ekologiialyq, tarihi, etnografiialyq jáne ekonomikalyq týrizm baǵyttarynda birlese jumys isteýge mol múmkindik bar ekenin atap ótti.
– Qazaqstandyq týroperatorlar mońǵol týristerine Qoja Ahmet Iasaýi kesenesi ornalasqan ejelgi Túrkistan qalasyn tanystyra alady. Shyńǵys hannyń úlken uly Joshy hannyń mazary turǵan Ulytaý oblysyn jáne basqa da týristik oryndardy kórsetýge bolady. Sondai-aq biz Mońǵoliiamen Altai týrizm klasterin damytýǵa jáne ortaq týristik baǵyttardy qalyptastyrýǵa múddelimiz, – dedi Memleket basshysy.
Qasym-Jomart Toqaev Mońǵoliia Prezidentin kelesi jyly Qazaqstanǵa memlekettik saparmen kelýge shaqyrdy.
Óz kezeginde Ýhnaagiin Hýrelsýh Mońǵoliianyń Qazaqstanmen ekijaqty bailanystardyń barlyq baǵytyn nyǵaitýǵa beiil ekenin rastady. Ol búgin qol jetkizilgen ýaǵdalastyqtar eki el arasyndaǵy qarym-qatynastyń jańa paraǵyn ashatynyna senim bildirdi.
Ýhnaagiin Hýrelsýh Qazaqstandy Mońǵoliianyń mańyzdy seriktesi, sondai-aq Shyǵys pen Batystyń arasyndaǵy altyn kópir ekenin atap ótti. Onyń sózinshe, Ulan-Batyr Qazaqstannyń ekonomikalyq damý tájiribesine den qoiyp otyr. Sonymen qatar saýda, kólik-logistika, aýyl sharýashylyǵy, ǵaryshty zertteý salalaryndaǵy ekijaqty jobalardy tiimdi júzege asyrýǵa airyqsha mán beredi. Atap aitqanda, Ýhnaagiin Hýrelsýh Qasym-Jomart Toqaevtyń eki el arasyndaǵy taýar ainalymyn 500 million dollarǵa deiin jetkizý týraly usynysyn qoldady.
Kelissózder aiaqtalǵannan keiin memleketter basshylary Strategiialyq seriktestik ornatý týraly birlesken deklaratsiiaǵa qol qoidy. Sodan keiin qol qoiylǵan qujattardy almasý rásimi ótti.
Qazaqstan Respýblikasynyń Prezidenti Qasym-Jomart Toqaevtyń Mońǵoliiaǵa memlekettik sapary aiasynda eki el delegatsiialary tómendegidei qujattarǵa qol qoidy:
1. Qazaqstan Respýblikasynyń Úkimeti men Mońǵoliia Úkimeti arasyndaǵy zeinetaqy salasyndaǵy yntymaqtastyq týraly kelisim;
2. Qazaqstan Respýblikasy men Mońǵoliia arasyndaǵy 2025-2027 jyldarǵa arnalǵan saýda-ekonomikalyq yntymaqtastyqty jandandyrý jónindegi jol kartasy;
3. Qazaqstan Respýblikasynyń Úkimeti men Mońǵoliia Úkimeti arasyndaǵy aviatsiialyq izdestirý jáne qutqarý salasyndaǵy yntymaqtastyq týraly kelisim;
4. Qazaqstan Respýblikasynyń Kólik ministrligi men Mońǵoliianyń Jol jáne kólik salasyn damytý ministrligi arasyndaǵy avtomobil joldaryn damytý týraly memorandým;
5. Qazaqstan Respýblikasynyń Syrtqy ister ministrligi men Mońǵoliianyń Syrtqy ister ministrligi arasyndaǵy 2025-2027 jyldarǵa arnalǵan yntymaqtastyq týraly jospar;
6. Qazaqstan Respýblikasynyń Mádeniet jáne aqparat ministrligi men Mońǵoliianyń Mádeniet, sport, týrizm jáne jastar isi jónindegi ministrligi arasyndaǵy mádeniet salasyndaǵy yntymaqtastyq týraly memorandým;
7. Qazaqstan Respýblikasynyń Týrizm jáne sport ministrligi men Mońǵoliianyń Mádeniet, sport, týrizm jáne jastar isi jónindegi ministrligi arasyndaǵy týrizm salasyndaǵy yntymaqtastyq týraly memorandým;
8. Qazaqstan Respýblikasynyń Aýyl sharýashylyǵy ministrligi men Mońǵoliianyń Azyq-túlik, aýyl sharýashylyǵy jáne jeńil ónerkásip ministrligi arasyndaǵy yntymaqtastyq týraly memorandým;
9. Qazaqstan Respýblikasynyń Aýyl sharýashylyǵy ministrligi Veterinariialyq baqylaý jáne qadaǵalaý komiteti men Mońǵoliianyń Bas veterinariialyq basqarmasy arasyndaǵy veterinariia qyzmeti jáne karantin salasyndaǵy ózara túsinistik týraly memorandým;
10. Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi men Mońǵoliianyń Tsifrlyq damý, innovatsiialar jáne kommýnikatsiialar ministrligi arasyndaǵy yntymaqtastyq týraly memorandým;
11. Qazaqstan Respýblikasynyń Energetika ministrligi men Mońǵoliianyń Atom energiiasy jónindegi komissiianyń atqarýshy keńsesi arasyndaǵy atom energetikasy salasyndaǵy yntymaqtastyq týraly memorandým.
