Premer-ministrdiń orynbasary – Ulttyq ekonomika ministri Nurlan Baibazarov Baibazarov Bakýde ótken BUU-nyń klimattyń ózgerýi jónindegi – COP29 konferentsiiasyna qatysty, dep habarlaidy Dalanews.kz.
Nurlan Baibazarov "IDB-ǵa qatysýshy elderde klimattyq ózgeristerge tózimdi sý investitsiialaryn qarjylandyrýdy ashý" atty joǵary deńgeili sessiiada sóilegen sózinde sý salasynyń ózekti máselelerine toqtalyp ótti. Sondai-aq Qazaqstannyń tájiribesimen bólisip, qazirgi syn-qaterlerdi sheshý jónindegi josparlar men sý resýrstaryn turaqty basqarýdyń strategiialyq investitsiialary týraly aitty.
"Elimizdiń sý salasyn reformalaý jáne transformatsiialaý úshin jańa vedomstvo iaǵni, Sý resýrstary jáne irrigatsiia ministrligi quryldy. Jańa Sý kodeksi ázirlenip, Sý resýrstaryn basqarý júiesin damytý tujyrymdamasy men Sý salasyn damytýdyń keshendi jospary bekitildi", dep habarlady is-sharaǵa qatysýshylarǵa vitse-premer.
Onyń aitýynsha, orta merzimdi kezeńde Qazaqstan 20 jańa sý qoimasyn salý ári keminde 15 jumys istep turǵan sý qoimasyn rekonstrýktsiialaý, sondai-aq 3500 shaqyrym kanaldy jóndeý men tsifrlandyrý mindetin qoidy.
Qazaqstan Úkimeti elimizdiń barlyq óńirlerinde, onyń ishinde halyqaralyq qarjy uiymdary men qarjy institýttaryn tarta otyryp, sý infraqurylymyn salý men jańǵyrtý boiynsha belsendi jumys júrgize bastady.
Sonymen qatar, Baibazarov Islam damý banki (IDB) Qazaqstannyń sý sharýashylyǵy salasyna 1,1 mlrd dollar investitsiia quiatynyn atap ótti. Birinshi kezeńde IDB bóletin qarajatty 8 sý qoimasyn salý men rekonstrýktsiialaýǵa ári 115 kanaldy kúrdeli jóndeýge baǵyttaý josparlanýda.
Aita ketsek, buǵan deiin Islam damý banki Qazaqstannyń sý salasyna 1,15 mlrd investitsiia salatynyn, odan bólek atalǵan baǵytqa sheteldik bank 3,5 mln dollar óteýsiz grant bóletinin jazǵan bolatynbyz.
