2024 jyldyń toǵyz aiynda Biryńǵai jinaqtaýshy zeinetaqy qoryndaǵy Qazaqstan azamattarynyń jinaǵynan túsken investitsiialyq taza tabys 2,09 trln teńgeni qurady. Bul ótken jyldyń sáikes kezeńindegi kórsetkishpen salystyrǵanda 716,3 mlrd teńgege nemese 52,3%-ǵa artyq, dep habarlaidy Dalanews.kz.
BJZQ málimetterine súiensek, mindetti zeinetaqy jarnalary (MZJ), mindetti kásiptik zeinetaqy jarnalary (MKZJ), salymshylar men alýshylardyń erikti zeinetaqy jarnalary (EZJ) esebinen qalyptastyrylǵan taza investitsiialyq kiris 2,08 trln teńgeni qurady, bul ótken jylǵy 1,85 trln teńge kórsetkishten áldeqaida joǵary.
2024 jyldyń basynda jumys berýshiniń aýdarǵan mindetti zeinetaqy jarnalary boiynsha qalyptasqan investitsiialyq kiris kólemi 160,6 mlrd teńge boldy.
"Ulttyq banktiń senimgerlik basqarýyndaǵy MZJ, MKZJ, EZJ shottarynan turatyn BJZQ zeinetaqy aktivteriniń kiristiligi 2024 jyldyń toǵyz aiynda 11,22% boldy (infliatsiia kórsetkishi 5,7% kezinde). 2024 jyldyń basynan bastap 1 qazandaǵy jaǵdai boiynsha JMZJ esebinen alynǵan investitsiialyq kiris 9,19 mlrd teńge nemese 8,87%-dy qamtydy. Bul rette 2024 jylǵy 1 qazandaǵy jaǵdai boiynsha BJZQ zeinetaqy aktivteriniń sońǵy 12 ai ishindegi kirisi 12,47%-dy qurady (infliatsiia kórsetkishi 8,3% kezinde)", delingen BJZQ habarlamasynda.
Aita ketsek, 2024 jylǵy 1 qazandaǵy jaǵdai boiynsha zeinetaqy aktivteriniń jalpy kólemi 21 179,1 mlrd teńgeni qurady. Osy kúngi jaǵdai boiynsha mindetti zeinetaqy jarnalary, mindetti kásiptik zeinetaqy jarnalary, erikti zeinetaqy jarnalary esebinen qalyptastyrylǵan, QR Ulttyq banktiń senimgerlik basqarýyndaǵy BJZQ zeinetaqy aktivteri 20 950,2 mlrd teńge boldy. QR Ulttyq banktiń senimgerlik basqarýyndaǵy jumys berýshiniń mindetti zeinetaqy jarnalary esebinen qalyptastyrylǵan zeinetaqy aktivteriniń kólemi 169,2 mlrd teńge bolady. Al IPB basqarýyndaǵy zeinetaqy aktivteri shamamen 59,7 mlrd teńgege jetti.
