2024 جىلدىڭ توعىز ايىندا ءبىرىڭعاي جيناقتاۋشى زەينەتاقى قورىنداعى قازاقستان ازاماتتارىنىڭ جيناعىنان تۇسكەن ينۆەستيسيالىق تازا تابىس 2،09 ترلن تەڭگەنى قۇرادى. بۇل وتكەن جىلدىڭ سايكەس كەزەڭىندەگى كورسەتكىشپەن سالىستىرعاندا 716،3 ملرد تەڭگەگە نەمەسە 52،3%-عا ارتىق، دەپ حابارلايدى Dalanews.kz.

بجزق مالىمەتتەرىنە سۇيەنسەك، مىندەتتى زەينەتاقى جارنالارى (مزج)، مىندەتتى كاسىپتىك زەينەتاقى جارنالارى (مكزج)، سالىمشىلار مەن الۋشىلاردىڭ ەرىكتى زەينەتاقى جارنالارى (ەزج) ەسەبىنەن قالىپتاستىرىلعان تازا ينۆەستيسيالىق كىرىس 2،08 ترلن تەڭگەنى قۇرادى، بۇل وتكەن جىلعى 1،85 ترلن تەڭگە كورسەتكىشتەن الدەقايدا جوعارى.

2024 جىلدىڭ باسىندا جۇمىس بەرۋشىنىڭ اۋدارعان مىندەتتى زەينەتاقى جارنالارى بويىنشا قالىپتاسقان  ينۆەستيسيالىق كىرىس  كولەمى 160،6 ملرد تەڭگە بولدى.

"ۇلتتىق بانكتىڭ سەنىمگەرلىك باسقارۋىنداعى مزج، مكزج، ەزج شوتتارىنان تۇراتىن بجزق زەينەتاقى اكتيۆتەرىنىڭ كىرىستىلىگى 2024 جىلدىڭ توعىز ايىندا 11،22% بولدى (ينفلياسيا كورسەتكىشى 5،7% كەزىندە). 2024 جىلدىڭ باسىنان باستاپ 1 قازانداعى جاعداي بويىنشا جمزج ەسەبىنەن الىنعان ينۆەستيسيالىق كىرىس 9،19 ملرد تەڭگە نەمەسە 8،87%-دى قامتىدى. بۇل رەتتە 2024 جىلعى 1 قازانداعى جاعداي بويىنشا بجزق زەينەتاقى اكتيۆتەرىنىڭ سوڭعى 12 اي ىشىندەگى كىرىسى 12،47%-دى قۇرادى (ينفلياسيا كورسەتكىشى 8،3% كەزىندە)"، دەلىنگەن بجزق حابارلاماسىندا.

ايتا كەتسەك، 2024 جىلعى 1 قازانداعى جاعداي بويىنشا زەينەتاقى اكتيۆتەرىنىڭ جالپى كولەمى 21 179،1 ملرد تەڭگەنى قۇرادى. وسى كۇنگى جاعداي بويىنشا مىندەتتى زەينەتاقى جارنالارى، مىندەتتى كاسىپتىك زەينەتاقى جارنالارى، ەرىكتى زەينەتاقى جارنالارى ەسەبىنەن قالىپتاستىرىلعان، ق ر ۇلتتىق بانكتىڭ سەنىمگەرلىك باسقارۋىنداعى بجزق زەينەتاقى اكتيۆتەرى 20 950،2 ملرد تەڭگە بولدى. ق ر ۇلتتىق بانكتىڭ سەنىمگەرلىك باسقارۋىنداعى جۇمىس بەرۋشىنىڭ مىندەتتى زەينەتاقى جارنالارى ەسەبىنەن قالىپتاستىرىلعان زەينەتاقى اكتيۆتەرىنىڭ كولەمى 169،2 ملرد تەڭگە بولادى. ال يپب باسقارۋىنداعى زەينەتاقى اكتيۆتەرى شامامەن 59،7 ملرد تەڭگەگە جەتتى.