«Qazaqstan Arýy» uiymdastyrý komiteti "Ǵalam arýy Qazaqstan-2022" ataǵynyń burynǵy iegeri Diana Táshimbetovamen bolǵan janjaldyń mán-jaiyn aityp, máselege núkte qoidy. Onda komitet Diana Táshimbetovanyń shettetilý sebepterin egjei-tegjeili talqylap, eki tarapynyń arasyndaǵy túsinispeýshiliktiń qandai kezeńde turǵanyn aitqan bolatyn.
Máseleni ashyp alý úshin D.Táshimbetova men uiymdastyrý komitetiniń arasyndaǵy jumys barysynan baiandap ótsek. 18 qarasha kúni ótken «Qazaqstan Arýy -2022» finalynan keiin uiymdastyrý komiteti 24 qarasha kúni «Ǵalam Arýy» álemdik baiqaýynan 2023 jylǵy baiqaý 14 qańtar kúni Jańa Orleanda ótetindigi týraly habarlama alady.
«25 qarasha kúni aitýly másele boiynsha uiymdastyrý komitetiniń músheleri jinalyp, aqyldastar alqasyn ótkizedi. Alaida, ýaqyttyń tyǵyzdyǵy men qarjylandyrýdyń joqtyǵyna bailanysty D.Táshimbetovany biyl emes, kelesi jyly jiberý týraly sheshim qabyldandy. Artynsha D. Táshimbetova men onyń anasyna sheshim týraly habarlanǵan. Alaida, olar bul kelisimshe kelispeitindikterin jáne qarjylandyrýdy óz moinyna alatyndyqtaryn málimdedi. Biz óz tarapymyzdan bul sheshimdi qabyldap, ony daiyndaý jumystaryna kirisip kettik. Biraq 2-3 kún ótpesten jatyp Q.Táshimbetova (anasy) kelip qarjylyq shyǵynnyń kóp ekendigin, tolyqtai moinyna almaityndyǵyn jáne uiymdastyrý komitetinen shyǵynnyń 50% óteýin talap etti. Nátijesinde birneshe kezdesýler men kelissózder ótizilip, bir sheshimke kele almadyq»,- deidi «Qazaqstan Arýy» Ulttyq sulýlyq baiqaýynyń prezidenti Katrin Bezverhova.
2022 jylǵy 6 jeltoqsanda «"Qazaqstan arýy" uiymdastyrý komiteti "Ǵalam arýy Qazaqstan-2022" jeńimpazy Diana Táshimbetova biylǵy jyly "Ǵalam arýy – 2023" álemdik baiqaýyna daiyndalýǵa ýaqyttyń jetispeýine jáne qarjylandyrýdyń bolmaýyna bailanysty barmaidy» degen sheshim qabyldady. Bul týraly 6 jeltoqsanda D. Táshimbetova habarlanǵan. Al, qazir olardyń «barmaityndyǵyn AQSh-qa keterden 1 apta buryn ǵana estidik» degen paiymy shyndyqqa janaspaidy. Ony dáleldeitin dáiekterdiń barlyǵy iske tigilgen. 2022 jyldyń 26 qarashasynda Diana otbasymen birge AQSh-qa ketken. Al 29 qarashada Astana ýaqyty boiynsha saǵat 00:00-de ol Instagram-da tikelei efir ótkizip, baiqaýdyń búkil uiymdastyrý komitetin qaralaidy. Sondai-aq, Táshimbetova uiymdastyrý komiteti ony Svetlana Loboda uiymdastyrǵan keshte bolýǵa mindettegenin jáne eresek er adamdardyń qasyna otyrǵyzǵanyn aitqan bolatyn. Shyn máninde bul shyndyqqa janaspaityn aqparat.
«Túiindep aita ketkim keledi – «Qazaqstan Arýy» baiqaýynyń uiymdastyrýshylary men qatysýshylary Svetlana Lobodanyń kontserti men aftepatiine ózge qonaqtardyń qatarynda tek qonaq retinde qatysty. Kelisimshartqa sáikes Lobodanyń uiymdastyrýshylary TOP 12-ge kirgen jeńimpaz qyzdarǵa kontsert pen aftepatige bilet syilaǵan bolatyn. «Astarly aqiqat» baǵdarlamasynda D.Táshimbetova aitqandai olardy ol jerge eshkim májbúrlep aparǵan joq. Barlyǵy tek óz qalaýlarymen bardy. Máselen, 12 qyzdyń ishinen 4-i aftepatige barǵan joq jáne olardy eshkim májbúrlemedi. Iá, olardyń qaiýpsizdigin qamtamasyz etý úshin biz olarmen birge kasting menedjerdi birge jiberdik. Olar kesh boiy birge otyryp, birge qaitty. Sol sebepti D.Táshimbetovanyń sol aftepatidi baiqaý uiymdastyrýshylary uiymdastyryp, sol jerge úlken erkekterdi shaqyryp, tanystyrmaq boldy degen málimdemesi múldem shyndyqqa janaspaidy. Aita óteiik, 19 qarasha kúni meiramhana ashyq bolǵan, ol jerde jabyq kesh uiymdastyrylǵan joq. Onda baiqaý qatysýshylarymen qatar blogerler, Lobodanyń arnaiy qonaqtary, seriktesterimen qatar meiramhana qonaqtary da bolǵan. Sol sebepti «Qazaqstan Arýy» baiqaýy meiramhana qonaqtarynyń áreketterine esh jaýap bermeidi. Eń qyzyǵy, egde jastaǵy erkekter sóz saldy degen dáiekti D.Táshimbetovadan basqa eshbir qyz rastamai otyr»,- dep atap ótti direktor Katrin Bezverhova.
«Qazaqstan Arýy» ulttyq sulýlyq baiqaýynyń uiymdastyrýshylary «Baiqaýdy ótkizý erejeleri» qujatynyń tarmaqtaryn negizge ala otyryp, Diana Táshimbetovany «Ǵalam arýy Qazaqstan-2022» ataǵynan aiyrdy.
Osy qujattyń "diskvalifikatsiialaý úshin negizder" 12-babynyń 12.1-tarmaǵynda " Uiymdastyrý komiteti baiqaý ótkizý tártibin retteitin qujattardyń erejelerin buzatyn, baiqaý is-sharalarynyń tártibin oryndamaityn, qate málimetter (nemese olardy rastaý úshin qosymsha aqparat pen qujattar usynbaǵan) bergen, baiqaýdy tiisinshe ótkizýge kedergi keltiretin basqa da tártip buzýshylyqtarǵa jol bergen qatysýshylardy baiqaýdan shyǵaryp tastaýǵa quqyly delingen. Sol sharttyń 12.2-tarmaǵyna sáikes «diskvalifikatsiia týraly sheshim túpkilikti bolyp tabylady jáne ony qaita qaraý múmkin emes» delingen.
Al, 2023 jylǵy 6 aqpanda túsirilip, 15-16 aqpanda efirge shyqqan QTK telearnasynyń"Astarly aqiqat" baǵdarlamasyna Diana Táshimbetova men onyń anasy Qarlyǵash Táshimbetova qonaqqa kelip, mýzykalyq oryndaýshy Jan Ahmadievpen birge baiqaýdyń uiymdastyrý komitetine qasaqana jala jabady jáne onyń bedeline nuqsan keltiredi. Sol sebepti Q. Táshimbetova men sarapshy retinde qatasqan Jan Ahmadievke qatysty sotqa aryz túsirý týraly sheshim qabyldandy. Alaida, sotqa qatysty naqty sheshim filologiialyq saraptamanyń nátijesine bailanysty bolady, - deidi advokattar qaýymy.
«Qazir eki birdei baǵdarlama men tikelei efirde aitylǵan pikirlerdiń barlyǵy arnaiy sarapshylarǵa jóneltildi. Uiymnyń bedeline zalal keltirý faktisi dáleldengen jaǵdaida biz dereý sotqa shaǵyp túsirýge daiyndalyp jatyrmyz»,- dep atap ótti «Qazaqstan Arýy» ulttyq sulýlyq baiqaýynyń advokaty Gaýhar Sálimbaeva.
