Óz kezeginde Baqyt Sultanov «Dostar, sizdermen qýanyshty jańalyqpen bóliskim keledi! Biz ótken jyldyń qarasha aıynda bastalǵan Amazon komapnıasymen kelissózderdi aıaqtadyq. Sonymen, 20 mamyrdan bastap bizdiń elimiz álemdegi eń iri elektrondyq komersıa platformalarynyń birinde saýda jasaýǵa ruqsat etilgen elderdiń tizimine endik» dep jańalyǵymen bólisti.
Mınıstrdiń aıtýynsha Qazaqstannyń iri kásiporyndary men shaǵyn jáne orta bıznes ókilderi aldaǵy ýaqytta tutastaı ORTALYQ AZIA brendi retinde aımaq ónimderin birlesip, saýdalaý múmkindigine ıe bolǵanyn alǵa tartty.
– Bizdiń kásipkerler endigi jerde Amazon-ǵa tirkelip, saıttaǵy barlyq operasıalardy júrgizý úshin zańdy tulǵa retinde tirkelip, banktik shot asha alady. Endi qazaqstandyq kásipkerler tólemdi tikeleı qazaqstandyq bankter arqyly jasap, elimizdiń atynan saýda jasaý múmkindigine ıe – satýshy elderdiń qataryna qosyldy, – dedi mınıstr.
Amazon álemdegi tanymal saıttardyń biri. Platformada álemniń 200-den astam eli men júzdegen mıllıon belsendi klıentteri bar. Onyń ústine, 188 eldiń satýshylary tirkelgen.
Amazon shaǵyn jáne orta bızneske jol ashatyn óte mańyzdy qural. Búgindegi álemdegi bólshek saýdanyń 60%-y osy platforma arqyly iske asýda. Ótken jyly Amazon komapnıasynyń satylymy 386,1 mıllıard dollardy quraǵan bolatyn.
