ءوز كەزەگىندە باقىت سۇلتانوۆ «دوستار، سىزدەرمەن قۋانىشتى جاڭالىقپەن بولىسكىم كەلەدى! ءبىز وتكەن جىلدىڭ قاراشا ايىندا باستالعان Amazon كوماپنياسىمەن كەلىسسوزدەردى اياقتادىق. سونىمەن، 20 مامىردان باستاپ ءبىزدىڭ ەلىمىز الەمدەگى ەڭ ءىرى ەلەكتروندىق كوممەرسيا پلاتفورمالارىنىڭ بىرىندە ساۋدا جاساۋعا رۇقسات ەتىلگەن ەلدەردىڭ تىزىمىنە ەندىك» دەپ جاڭالىعىمەن ءبولىستى.
ءمينيستردىڭ ايتۋىنشا قازاقستاننىڭ ءىرى كاسىپورىندارى مەن شاعىن جانە ورتا بيزنەس وكىلدەرى الداعى ۋاقىتتا تۇتاستاي ورتالىق ازيا برەندى رەتىندە ايماق ونىمدەرىن بىرلەسىپ، ساۋدالاۋ مۇمكىندىگىنە يە بولعانىن العا تارتتى.
– ءبىزدىڭ كاسىپكەرلەر ەندىگى جەردە Amazon-عا تىركەلىپ، سايتتاعى بارلىق وپەراسيالاردى جۇرگىزۋ ءۇشىن زاڭدى تۇلعا رەتىندە تىركەلىپ، بانكتىك شوت اشا الادى. ەندى قازاقستاندىق كاسىپكەرلەر تولەمدى تىكەلەي قازاقستاندىق بانكتەر ارقىلى جاساپ، ەلىمىزدىڭ اتىنان ساۋدا جاساۋ مۇمكىندىگىنە يە – ساتۋشى ەلدەردىڭ قاتارىنا قوسىلدى، – دەدى مينيستر.
Amazon الەمدەگى تانىمال سايتتاردىڭ ءبىرى. پلاتفورمادا الەمنىڭ 200-دەن استام ەلى مەن جۇزدەگەن ميلليون بەلسەندى كليەنتتەرى بار. ونىڭ ۇستىنە، 188 ەلدىڭ ساتۋشىلارى تىركەلگەن.
Amazon شاعىن جانە ورتا بيزنەسكە جول اشاتىن وتە ماڭىزدى قۇرال. بۇگىندەگى الەمدەگى بولشەك ساۋدانىڭ 60%-ى وسى پلاتفورما ارقىلى ىسكە اسۋدا. وتكەن جىلى Amazon كوماپنياسىنىڭ ساتىلىمى 386،1 ميلليارد دوللاردى قۇراعان بولاتىن.
