Belgili zańger Meiirman Shekeev Shymbulaqtaǵy Gusto meiramhanasynyń burynǵy qyzmetkeriniń qazaq tilinde qyzmet kórsetýden bas tartýyna qatysty pikir bildirdi, dep habarlaidy Dalanews.kz.
Onyń sózinshe, video avtory Baqbergen zańgermen bailanysqa shyǵyp, senimhat berdi.
"Bul isti aiaǵyna deiin aparamyz. Bul jerde jalǵyz Baqbergenniń ǵana quqyǵy buzylǵan joq. Búkil Qazaqstannyń tilin mensinbegen azamatymyz keshirim suraýy kerek dep sanaimyz. Sebebi QR tutynýshylardyń quqyǵyn qorǵaý týraly zańynyń 24, 25, 26 baptarynda qazaq tilinde qyzmet kórsetý mindeti júktelgen. Kez kelgen qazaq óz tilinde qyzmet alýǵa quqyly. Dese de mundai kásipkerlerdiń tez esin jiǵyzatyn bir tásilin aitaiyn. Iaǵni 2gis arqyly reitingin tómendetý úshin óz pikirlerińizdi jiberińizder. Sonda kásipkerler túsiner dep oilaimyn", - deidi Shekeev.
Meiirman Shekeev búgin keshke meiramhananyń eks-qyzmetkeri Elenamen politsiia bólimshesinde kezdesetinin aitty.
Eske salaiyq, búgin qazaqsha qyzmet kórsetpei qoiǵan ákimshi jumystan qýyldy.
