بەلگٸلٸ زاڭگەر مەيٸرمان شەكەەۆ شىمبۇلاقتاعى Gusto مەيرامحاناسىنىڭ بۇرىنعى قىزمەتكەرٸنٸڭ قازاق تٸلٸندە قىزمەت كٶرسەتۋدەن باس تارتۋىنا قاتىستى پٸكٸر بٸلدٸردٸ, دەپ حابارلايدى Dalanews.kz.
ونىڭ سٶزٸنشە, ۆيدەو اۆتورى باقبەرگەن زاڭگەرمەن بايلانىسقا شىعىپ, سەنٸمحات بەردٸ.
"بۇل ٸستٸ اياعىنا دەيٸن اپارامىز. بۇل جەردە جالعىز باقبەرگەننٸڭ عانا قۇقىعى بۇزىلعان جوق. بٷكٸل قازاقستاننىڭ تٸلٸن مەنسٸنبەگەن ازاماتىمىز كەشٸرٸم سۇراۋى كەرەك دەپ سانايمىز. سەبەبٸ قر تۇتىنۋشىلاردىڭ قۇقىعىن قورعاۋ تۋرالى زاڭىنىڭ 24, 25, 26 باپتارىندا قازاق تٸلٸندە قىزمەت كٶرسەتۋ مٸندەتٸ جٷكتەلگەن. كەز كەلگەن قازاق ٶز تٸلٸندە قىزمەت الۋعا قۇقىلى. دەسە دە مۇنداي كەسٸپكەرلەردٸڭ تەز ەسٸن جيعىزاتىن بٸر تەسٸلٸن ايتايىن. ياعني 2gis ارقىلى رەيتينگٸن تٶمەندەتۋ ٷشٸن ٶز پٸكٸرلەرٸڭٸزدٸ جٸبەرٸڭٸزدەر. سوندا كەسٸپكەرلەر تٷسٸنەر دەپ ويلايمىن", - دەيدٸ شەكەەۆ.
مەيٸرمان شەكەەۆ بٷگٸن كەشكە مەيرامحانانىڭ ەكس-قىزمەتكەرٸ ەلەنامەن پوليتسييا بٶلٸمشەسٸندە كەزدەسەتٸنٸن ايتتى.
ەسكە سالايىق, بٷگٸن قازاقشا قىزمەت كٶرسەتپەي قويعان ەكٸمشٸ جۇمىستان قۋىلدى.
