Oljas Bektenov Ulytaý oblysynda shahtadaǵy apat saldarynan qaza tapqandardyń otbasylaryna kóńil aityp, úkimettik komissiianyń jumysy týraly esepti tyńdady, dep habarlaidy Dalanews.kz.
Otyrysta Qazaqstan premer-ministri Oljas Bektenov qaza tapqandardyń týǵan-týystary men jaqyndaryna kóńil aitty.
«Úkimet atynan shahtadaǵy apat saldarynan qaza tapqan kenshilerdiń týǵan-týystary men jaqyndaryna kóńil aitamyn. Marqumdardyń otbasylaryna barlyq qajetti kómek kórsetiledi. Oqiǵa ornynda tiisti qyzmetter jumys istep jatyr»,dep atap ótti Oljas Bektenov.
Memleket basshysynyń tapsyrmasymen apattyń sebepterin tekserý jáne zardaptaryn joiý boiynsha úkimettik komissiia quryldy. Júrgizilip jatqan jumystar týraly Premer-ministrdiń orynbasary Qanat Bozymbaevtyń esebi tyńdaldy.
«Oqiǵanynyń mán-jaiyn muqiiat tekserip, zardaptaryn joiý kerek. Qanat Aldabergenuly, júrgizilip jatqan jumystar barysy týraly únemi baiandap otyryńyz»,dep atap ótti Premer-ministr.
Eske salaiyq, buǵan deiin Ulytaý oblysynda shahta opyrylyp, jeti qyzmetker qaza tapqanyn habarlaǵan edik.
Jańaarqa aýdanyndaǵy "Qazaqmys" korporatsiiasyna qarasty "Jomart" kenishindegi shahtada taý-ken massasy opyryldy. Búgin qutqarýshylar jeti jumysshynyń denesin tapty.
Kabelder úzilýine bailanysty jumysshylarmen bailanys ta úzildi. Avariialyq-qutqarý jumystaryna Ulytaý jáne Qaraǵandy oblystarynyń TJD kúshteri men quraldary, apattar meditsinasy ortalyǵynyń qyzmetkerleri jáne TJM psihologtary jumyldyryldy.
Premer-ministr Oljas Bektenovtiń tapsyrmasy boiynsha Ulytaý oblysy Jańaarqa aýdanyndaǵy shahtadaǵy jaǵdaidyń sebepterin tergeý jáne zardap shekkenderge kómektesý jónindegi arnaiy komissiia quryldy. Komissiiany premer-ministrdiń orynbasary Qanat Bozymbaev basqardy.
Bul derekke qatysty Politsiia departamenti málimdeme jasady.
Atalǵan fakti boiynsha QR QK-niń 277-babynyń 3-bóligi «Taý-ken nemese qurylys jumystaryn júrgizý kezinde qaýipsizdik erejelerin buzý» boiynsha is qozǵaldy. Oqiǵa ornynda Ulytaý oblysynyń politsiia departamentiniń jedel-tergeý toptary jumys istep jatyr. Qazirgi ýaqytta barlyq qajetti tergeý amaldary júrgizilip jatyr.
"Jomart" kenishi - Jezqazǵan qalasynan ońtústik-shyǵysqa qarai 130 shaqyrym jerde ornalasqan. Onda mys sýlfidi óndiriledi. "Qazaqmys" korporatsiiasynyń iri aktsioneri - Kazakhmys Copper.
