ولجاس بەكتەنوۆ ۇلىتاۋ وبلىسىندا شاحتاداعى اپات سالدارىنان قازا تاپقانداردىڭ وتباسىلارىنا كٶڭٸل ايتىپ, ٷكٸمەتتٸك كوميسسييانىڭ جۇمىسى تۋرالى ەسەپتٸ تىڭدادى, دەپ حابارلايدى Dalanews.kz.
وتىرىستا قازاقستان پرەمەر-مينيسترٸ ولجاس بەكتەنوۆ قازا تاپقانداردىڭ تۋعان-تۋىستارى مەن جاقىندارىنا كٶڭٸل ايتتى.
«ٷكٸمەت اتىنان شاحتاداعى اپات سالدارىنان قازا تاپقان كەنشٸلەردٸڭ تۋعان-تۋىستارى مەن جاقىندارىنا كٶڭٸل ايتامىن. مارقۇمداردىڭ وتباسىلارىنا بارلىق قاجەتتٸ كٶمەك كٶرسەتٸلەدٸ. وقيعا ورنىندا تيٸستٸ قىزمەتتەر جۇمىس ٸستەپ جاتىر»,دەپ اتاپ ٶتتٸ ولجاس بەكتەنوۆ.
مەملەكەت باسشىسىنىڭ تاپسىرماسىمەن اپاتتىڭ سەبەپتەرٸن تەكسەرۋ جەنە زارداپتارىن جويۋ بويىنشا ٷكٸمەتتٸك كوميسسييا قۇرىلدى. جٷرگٸزٸلٸپ جاتقان جۇمىستار تۋرالى پرەمەر-مينيستردٸڭ ورىنباسارى قانات بوزىمباەۆتىڭ ەسەبٸ تىڭدالدى.
«وقيعانىنىڭ مەن-جايىن مۇقييات تەكسەرٸپ, زارداپتارىن جويۋ كەرەك. قانات الدابەرگەنۇلى, جٷرگٸزٸلٸپ جاتقان جۇمىستار بارىسى تۋرالى ٷنەمٸ بايانداپ وتىرىڭىز»,دەپ اتاپ ٶتتٸ پرەمەر-مينيستر.
ەسكە سالايىق, بۇعان دەيٸن ۇلىتاۋ وبلىسىندا شاحتا وپىرىلىپ, جەتٸ قىزمەتكەر قازا تاپقانىن حابارلاعان ەدٸك.
جاڭاارقا اۋدانىنداعى "قازاقمىس" كورپوراتسيياسىنا قاراستى "جومارت" كەنٸشٸندەگٸ شاحتادا تاۋ-كەن ماسساسى وپىرىلدى. بٷگٸن قۇتقارۋشىلار جەتٸ جۇمىسشىنىڭ دەنەسٸن تاپتى.
كابەلدەر ٷزٸلۋٸنە بايلانىستى جۇمىسشىلارمەن بايلانىس تا ٷزٸلدٸ. اۆارييالىق-قۇتقارۋ جۇمىستارىنا ۇلىتاۋ جەنە قاراعاندى وبلىستارىنىڭ تجد كٷشتەرٸ مەن قۇرالدارى, اپاتتار مەديتسيناسى ورتالىعىنىڭ قىزمەتكەرلەرٸ جەنە تجم پسيحولوگتارى جۇمىلدىرىلدى.
پرەمەر-مينيستر ولجاس بەكتەنوۆتٸڭ تاپسىرماسى بويىنشا ۇلىتاۋ وبلىسى جاڭاارقا اۋدانىنداعى شاحتاداعى جاعدايدىڭ سەبەپتەرٸن تەرگەۋ جەنە زارداپ شەككەندەرگە كٶمەكتەسۋ جٶنٸندەگٸ ارنايى كوميسسييا قۇرىلدى. كوميسسييانى پرەمەر-مينيستردٸڭ ورىنباسارى قانات بوزىمباەۆ باسقاردى.
بۇل دەرەككە قاتىستى پوليتسييا دەپارتامەنتٸ مەلٸمدەمە جاسادى.
اتالعان فاكتٸ بويىنشا قر قك-نٸڭ 277-بابىنىڭ 3-بٶلٸگٸ «تاۋ-كەن نەمەسە قۇرىلىس جۇمىستارىن جٷرگٸزۋ كەزٸندە قاۋٸپسٸزدٸك ەرەجەلەرٸن بۇزۋ» بويىنشا ٸس قوزعالدى. وقيعا ورنىندا ۇلىتاۋ وبلىسىنىڭ پوليتسييا دەپارتامەنتٸنٸڭ جەدەل-تەرگەۋ توپتارى جۇمىس ٸستەپ جاتىر. قازٸرگٸ ۋاقىتتا بارلىق قاجەتتٸ تەرگەۋ امالدارى جٷرگٸزٸلٸپ جاتىر.
"جومارت" كەنٸشٸ - جەزقازعان قالاسىنان وڭتٷستٸك-شىعىسقا قاراي 130 شاقىرىم جەردە ورنالاسقان. وندا مىس سۋلفيدٸ ٶندٸرٸلەدٸ. "قازاقمىس" كورپوراتسيياسىنىڭ ٸرٸ اكتسيونەرٸ - Kazakhmys Copper.
