Qazaq Stroy kompaniialar tobynyń negizin qalaýshy ári iesi Nurlan Artyqbaev Qazaqstandaǵy iri mys óndirýshi Qazaqmys kompaniiasyn satyp aldy, dep habarlaidy Dalanews.kz.
Ónerkásip alybyn satyp alý jónindegi mámileniń aiaqtalǵany týraly Forbes.kz habarlady. Satý quny men mámile úshin paidalanylǵan qarajattyń qaidan alynǵany jariia etilgen joq.
Jeltoqsan aiynyń basynda «Qazaqmys» aktivterdi satý boiynsha kelissózder júrip jatqanyn rastaǵan bolatyn. Alaida onyń sebepteri sol kezde aitylmady. Ol kezeńde kompaniianyń ieleri milliarder Vladimir Kim (70 paiyz) jáne kásipker Edýard Ogai (30 paiyz) edi.
Eldegi eń bai adamdardyń biri sanalatyn Vladimir Kim uzaq jyldar boiy Qazaqstandy basqarǵan eks-prezident Nursultan Nazarbaevtyń «ámiiany» retinde beiresmi túrde atalyp kelgen.
