Qazaq Stroy كومپانيالار توبىنىڭ نەگىزىن قالاۋشى ءارى يەسى نۇرلان ارتىقبايەۆ قازاقستانداعى ءىرى مىس ءوندىرۋشى قازاقمىس كومپانياسىن ساتىپ الدى، دەپ حابارلايدى Dalanews.kz.
ونەركاسىپ الىبىن ساتىپ الۋ جونىندەگى مامىلەنىڭ اياقتالعانى تۋرالى Forbes.kz حابارلادى. ساتۋ قۇنى مەن مامىلە ءۇشىن پايدالانىلعان قاراجاتتىڭ قايدان الىنعانى جاريا ەتىلگەن جوق.
جەلتوقسان ايىنىڭ باسىندا «قازاقمىس» اكتيۆتەردى ساتۋ بويىنشا كەلىسسوزدەر ءجۇرىپ جاتقانىن راستاعان بولاتىن. الايدا ونىڭ سەبەپتەرى سول كەزدە ايتىلمادى. ول كەزەڭدە كومپانيانىڭ يەلەرى ميللياردەر ۆلاديمير كيم (70 پايىز) جانە كاسىپكەر ەدۋارد وگاي (30 پايىز) ەدى.
ەلدەگى ەڭ باي ادامداردىڭ ءبىرى سانالاتىن ۆلاديمير كيم ۇزاق جىلدار بويى قازاقستاندى باسقارعان ەكس-پرەزيدەنت نۇرسۇلتان نازاربايەۆتىڭ «ءاميانى» رەتىندە بەيرەسمي تۇردە اتالىپ كەلگەن.
