Áýesqoi tennisshiler arasynda "Qazaqmys" qurylymdyq bólimsheleriniń qyzmetkerleri de baq synasty.
Áýesqoilarmen qatar jarysqa halyqaralyq dárejedegi sport sheberi, Reseidiń úsh dúrkin chempiony, Eýropa chempionatynyń qola júldegeri Anna Tihomirova, tarazdyq tennis klýbynyń jattyqtyrýshysy Evgenii Grýzdov, Qazaqstannyń besinshi raketkasy, sport sheberi Aiia Álimbaeva, halyqaralyq dárejedegi sport sheberi Sarvinoz Mirkadirova jáne Resei sport sheberi, qazirgi ýaqytta ShQO quramasynyń chempiony Ivan Nikýlin qatysty.
"Qazaqmys korporatsiiasy" JShS basqarma tóraǵasy Nurahmet Nuriev jeńimpazdardy quttyqtap, týrnir qatysýshylaryna aqshalai sertifikattar men diplomdar tabys etti. Sportshylardy Ulytaý oblysynyń ákimi Berik Ábdiǵaliuly da quttyqtady.
– Ulytaý oblysy, Jezqazǵan, Sátbaevta sporttyq is-sharalar jáne ústel tennisinen "KAZAKHMYS OPEN" halyqaralyq týrniri ótkizildi. Bul osyndai aýqymdaǵy sońǵy týrnir emes ekenine senimdimin, bolashaqta kásibi buqaralyq sportty damytýǵa serpin beretin kóptegen sharalardyń kýási bolatynymyz dep úmittenemiz, – dedi "Qazaqmys korporatsiiasy" JShS basqarma tóraǵasy Nurahmet Nuriev.
Týrnirdiń 49 qatysýshysy jasóspirimder sanatynda baq synasty. Qyzdar arasynda birinshi oryndy Shuǵyla Muqash, ekinshi oryndy Erkejan Tilegenova, úshinshi oryndy Arýjan Tilegenova ielendi. Uldar arasynda úzdik nátijeni Zańǵar Taǵabek kórsetti, ekinshi oryndy Aqyl Maqan ielendi, al úshinshi orynǵa Arsen Qabdolov ie boldy.
Áielder arasynda kásibi sportshylar sanatynda birinshi oryndy Anna Tihomirova, ekinshi oryndy Sarvinoz Mirkadirova, úshinshi oryndy Gýzel Torshaeva ielendi. Erler arasynda birinshi orynǵa Ivan Nikýlin, ekinshi orynǵa Evgenii Grýzdov, úshinshi orynǵa Saǵantai Qurmambaev taban tiredi.
"KAZAKHMYS OPEN" ashyq halyqaralyq týrniri – "Qazaqmys korporatsiiasy" JShS jáne Qazaqstan ústel tennisi federatsiiasynyń birlesken sporttyq is-sharasy.
