اۋەسقوي تەننيسشىلەر اراسىندا "قازاقمىس" قۇرىلىمدىق بولىمشەلەرىنىڭ قىزمەتكەرلەرى دە ب ا ق سىناستى.
اۋەسقويلارمەن قاتار جارىسقا حالىقارالىق دارەجەدەگى سپورت شەبەرى، رەسەيدىڭ ءۇش دۇركىن چەمپيونى، ەۋروپا چەمپيوناتىنىڭ قولا جۇلدەگەرى اننا تيحوميروۆا، تارازدىق تەننيس كلۋبىنىڭ جاتتىقتىرۋشىسى ەۆگەنيي گرۋزدوۆ، قازاقستاننىڭ بەسىنشى راكەتكاسى، سپورت شەبەرى اييا الىمبايەۆا، حالىقارالىق دارەجەدەگى سپورت شەبەرى سارۆينوز ميركاديروۆا جانە رەسەي سپورت شەبەرى، قازىرگى ۋاقىتتا شقو قۇراماسىنىڭ چەمپيونى يۆان نيكۋلين قاتىستى.
"قازاقمىس كورپوراسياسى" ج ش س باسقارما ءتوراعاسى نۇراحمەت نۇرييەۆ جەڭىمپازداردى قۇتتىقتاپ، تۋرنير قاتىسۋشىلارىنا اقشالاي سەرتيفيكاتتار مەن ديپلومدار تابىس ەتتى. سپورتشىلاردى ۇلىتاۋ وبلىسىنىڭ اكىمى بەرىك ءابدىعالي ۇلى دا قۇتتىقتادى.
– ۇلىتاۋ وبلىسى، جەزقازعان، ساتبايەۆتا سپورتتىق ءىس-شارالار جانە ۇستەل تەننيسىنەن "KAZAKHMYS OPEN" حالىقارالىق ءتۋرنيرى وتكىزىلدى. بۇل وسىنداي اۋقىمداعى سوڭعى تۋرنير ەمەس ەكەنىنە سەنىمدىمىن، بولاشاقتا كاسىبي بۇقارالىق سپورتتى دامىتۋعا سەرپىن بەرەتىن كوپتەگەن شارالاردىڭ كۋاسى بولاتىنىمىز دەپ ۇمىتتەنەمىز، – دەدى "قازاقمىس كورپوراسياسى" ج ش س باسقارما ءتوراعاسى نۇراحمەت نۇرييەۆ.
ءتۋرنيردىڭ 49 قاتىسۋشىسى جاسوسپىرىمدەر ساناتىندا ب ا ق سىناستى. قىزدار اراسىندا ءبىرىنشى ورىندى شۇعىلا مۇقاش، ەكىنشى ورىندى ەركەجان تىلەگەنوۆا، ءۇشىنشى ورىندى ارۋجان تىلەگەنوۆا يەلەندى. ۇلدار اراسىندا ۇزدىك ناتيجەنى زاڭعار تاعابەك كورسەتتى، ەكىنشى ورىندى اقىل ماقان يەلەندى، ال ءۇشىنشى ورىنعا ارسەن قابدولوۆ يە بولدى.
ايەلدەر اراسىندا كاسىبي سپورتشىلار ساناتىندا ءبىرىنشى ورىندى اننا تيحوميروۆا، ەكىنشى ورىندى سارۆينوز ميركاديروۆا، ءۇشىنشى ورىندى گۋزەل تورشايەۆا يەلەندى. ەرلەر اراسىندا ءبىرىنشى ورىنعا يۆان نيكۋلين، ەكىنشى ورىنعا ەۆگەنيي گرۋزدوۆ، ءۇشىنشى ورىنعا ساعانتاي قۇرمامبايەۆ تابان تىرەدى.
"KAZAKHMYS OPEN" اشىق حالىقارالىق ءتۋرنيرى – "قازاقمىس كورپوراسياسى" ج ش س جانە قازاقستان ۇستەل تەننيسى فەدەراسياسىنىڭ بىرلەسكەن سپورتتىق ءىس-شاراسى.
