Almaty politsiiasy jergilikti bir turǵynnyń ústinen ult arazdyǵyn týǵyzǵany úshin qylmystyq is qozǵady. Bul týraly QazTAG agenttigi habarlady. Kúdikti qazaq tilin «mámbetshe» dep ataǵan.
Áiel áleýmettik jelilerdiń birindegi tikelei efirde qazaq tilin unatpaitynyn ashyq aityp, qalaǵa kóship kelgen aýyl turǵyndaryna til tigizgen.
«Maǵan qazaq tili unamaidy, sondai mámbetshe til ǵoi. Aýyldan kelgen mámbetter jynymdy keltiredi, solardyń kesirinen qalamyzda jol tyǵyny bolady. Maǵan qazaq tili unamaidy. Qyrǵyz tili de, qazaq tili de mámbetshe til» degen almatylyq áiel.
Almaty politsiiasynyń málimdeýinshe, kúdiktige «Qazaqstan zańnamasyna sai shara qoldanylady». Qazaqstanda ult arazdyǵyn týǵyzǵan adam jeti jylǵa sottalýy múmkin.
Qazaqstan biligi buǵan deiin de jergilikti turǵyndardy kemsitken birneshe adamǵa is qozǵaǵan.
Máselen, 2023 jylǵy maýsymnyń basynda Oral qalasynda jergilikti turǵyndar Denis Rýdnyh pen Kristina Kolenkoǵa ult arazdyǵyn týǵyzdy, jikshil áreket jasady degen aiyptarmen is qozǵalǵan. Olar Chatroulette servisinde Reseidiń Ýkrainaǵa qarsy soǵysyn qoldaǵan. Tergeý málimetinshe, Rýdnyh qazaqtardy "mámbetter" dep kemsitip, Oral – «ejelden Resei qalasy» dep ataǵan, Qazaqstanǵa shabýyl jasalǵan jaǵdaida Resei jaǵynda soǵysatynyn aitqan.
https://dalanews.kz/bas-takyryp/94355-zhengil-atletikadan-qazaqstan-chempion
https://dalanews.kz/news/94401-qazcink-kokshetauda-eski-mektepting-or
