الماتى پوليتسيياسى جەرگٸلٸكتٸ بٸر تۇرعىننىڭ ٷستٸنەن ۇلت ارازدىعىن تۋعىزعانى ٷشٸن قىلمىستىق ٸس قوزعادى. بۇل تۋرالى قازتاگ اگەنتتٸگٸ حابارلادى. كٷدٸكتٸ قازاق تٸلٸن «مەمبەتشە» دەپ اتاعان.
ەيەل ەلەۋمەتتٸك جەلٸلەردٸڭ بٸرٸندەگٸ تٸكەلەي ەفيردە قازاق تٸلٸن ۇناتپايتىنىن اشىق ايتىپ, قالاعا كٶشٸپ كەلگەن اۋىل تۇرعىندارىنا تٸل تيگٸزگەن.
«ماعان قازاق تٸلٸ ۇنامايدى, سونداي مەمبەتشە تٸل عوي. اۋىلدان كەلگەن مەمبەتتەر جىنىمدى كەلتٸرەدٸ, سولاردىڭ كەسٸرٸنەن قالامىزدا جول تىعىنى بولادى. ماعان قازاق تٸلٸ ۇنامايدى. قىرعىز تٸلٸ دە, قازاق تٸلٸ دە مەمبەتشە تٸل» دەگەن الماتىلىق ەيەل.
الماتى پوليتسيياسىنىڭ مەلٸمدەۋٸنشە, كٷدٸكتٸگە «قازاقستان زاڭناماسىنا ساي شارا قولدانىلادى». قازاقستاندا ۇلت ارازدىعىن تۋعىزعان ادام جەتٸ جىلعا سوتتالۋى مٷمكٸن.
قازاقستان بيلٸگٸ بۇعان دەيٸن دە جەرگٸلٸكتٸ تۇرعىنداردى كەمسٸتكەن بٸرنەشە ادامعا ٸس قوزعاعان.
مەسەلەن, 2023 جىلعى ماۋسىمنىڭ باسىندا ورال قالاسىندا جەرگٸلٸكتٸ تۇرعىندار دەنيس رۋدنىح پەن كريستينا كولەنكوعا ۇلت ارازدىعىن تۋعىزدى, جٸكشٸل ەرەكەت جاسادى دەگەن ايىپتارمەن ٸس قوزعالعان. ولار Chatroulette سەرۆيسٸندە رەسەيدٸڭ ۋكرايناعا قارسى سوعىسىن قولداعان. تەرگەۋ مەلٸمەتٸنشە, رۋدنىح قازاقتاردى "مەمبەتتەر" دەپ كەمسٸتٸپ, ورال – «ەجەلدەن رەسەي قالاسى» دەپ اتاعان, قازاقستانعا شابۋىل جاسالعان جاعدايدا رەسەي جاعىندا سوعىساتىنىن ايتقان.
https://dalanews.kz/bas-takyryp/94355-zhengil-atletikadan-qazaqstan-chempion
https://dalanews.kz/news/94401-qazcink-kokshetauda-eski-mektepting-or
