26 mamyrda Qonaev sport astanasyna aınalyp, árkim ózine laıyq qashyqtyqty taba aldy. QAZAQ MARATHON qaıta oralyp, bıyl shara erekshe mańyzdylyq pen aýqymǵa ıe boldy.
Almaty oblysy ákiminiń orynbasary Rýstam Isataev jarysqa qatysyp, salaýatty ómir salty men aımaqtaǵy sporttyń damýynyń mańyzdylyǵyn atap ótti.
"Barshańyzdy marafonnyń ashylýymen shyn júrekten quttyqtaımyn! Bizdiń oblys ortalyǵy - Qonaev qalasynan bastalǵan aýqymdy joba respýblıkanyń birneshe qalalarynda ótetini biz úshin úlken maqtanysh", - dedi Rýstam Isataev.
Jarysqa 1500-den astam qatysýshy jınaldy, olardyń árqaısysy aımaqtaǵy buqaralyq sporttyń damýyna óz úlesin qosýda.
"Prezıdent Qasym-Jomart Kemeluly Toqaev ár adamnyń densaýlyǵy - ulttyń densaýlyǵy ekenin atap ótti. Al, deni saý ultty qalyptastyrý - memlekettiń basty maqsattarynyń biri", - dep atap ótti ákimniń orynbasary.
İs-sharanyń bas seriktesi - Freedom life kompanıasy.
QAZAQ MARATHON belsendi qazaqstandyqtar úshin mańyzdy oqıǵa bolyp qana qoımaı, kóptegen adamdardy salaýatty ómir saltyna qosylýǵa shabyttandyrýy múmkin.
Marafon búkil Qazaqstandy qamtyp, bir qaladan bastalyp, basqa qalalarǵa aýysady. Árbir marafon qatysýshylaryn estelik medaldar kútip tur.
Marafon kelesi aýqymdy maqsattardy kózdeıdi:
* Salaýatty ult úshin! Qatysýshylardan túsken qarajattyń bir bóligi ınternattar men balalar úılerindegi balalarǵa jattyǵý uıymdastyrýǵa jumsalady.
* Teń múmkindikter! Marafonǵa qatysý úshin tólem jasaı otyryp, qatysýshy múmkindigi shekteýli balalardyń júgirisin jartylaı demeıdi. Balalar marafonǵa qatysyp, medal, estelik merch alyp, sportpen shuǵyldanýǵa motıvasıa alady.
QAZAQ MARATHON 2024 - bul jaı ǵana sporttyq shara emes, bul Qazaqstannyń salaýatty bolashaǵyna qadam!
"Bul meniń 15-shi marafonym. Jeńil atletıka jarystaryna 19 jasymnan bastap qatysyp kelemin, qazir 35 jastamyn. Men birde-bir osyndaı sporttyq sharany jibermeýge tyrysamyn. Búgin erler arasynda 5 km qashyqtyqta úshinshi orynǵa ıe boldym. Búgingi aýa raıy da júgirýge eń qolaıly. Barshańyzǵa kóp júgirip, densaýlyqtaryńyz myqty bolýyn tileımin", - dedi almatylyq jarysqa qatysýshy Sultan Aıǵaraı.
Aıta keterligi, 5 km jáne 10 km qashyqtyqtardy ujym bolyp júgirgender de boldy. Solardyń biri - Eńbekshiqazaq aýdanynan kelgen "Tehnograd" JSHS-niń 30 adamdyq tatý komandasy.
"Bes jyl buryn bizdiń qyzmetkerler osyndaı buqaralyq sporttyq is-sharalarǵa, marafondarǵa qatysý ıdeıasyna keldi. Sodan beri biz birlesip jarystarǵa qatysýdy uıǵardyq, bul bizdiń uıymymyzdaǵy birlikti jáne korporatıvtik rýhty nyǵaıtýǵa kómektesedi. Mundaı is-sharalar densaýlyqqa oń áser etip, salaýatty ómir saltyn nasıhattap, júgirýge degen súıispenshilikti oıatady. Bul marafon óte jaqsy uıymdastyrylǵan. Osyndaı keremet sport merekesin uıymdastyrǵandaryńyz úshin uıymdastyrýshylarǵa alǵys aıtamyz", - dep atap ótti "Tehnograd" JSHS basshysy Zıa Talǵatov.
Jarystarǵa Reseı, Belarýs, Ózbekstan, Qyrǵyzstan jáne Qazaqstannan 10 jastan asqan áýesqoılar men kásipqoılar qatysty.
