27 mamyr kúni Pavlodar oblysynyń Jelezinka aýyly mańynda An-2 ushaǵynyń qatysýymen aviatsiialyq oqiǵa boldy, dep habarlaidy dalanews.kz.
Kólik ministrliginiń málimetinshe, áýe kemesi aviatsiialyq-himiialyq jumystardy oryndap júrgen. Aldyn ala aqparat boiynsha, ushý kezinde ushaq elektr berý jelisine tiip ketken.
Ushaq bortynda eki ekipaj múshesi bolǵan. Oqiǵa saldarynan bir ushqysh kóz jumdy. Ekinshi pilotty qutqarýshylar ushaq ishinen shyǵaryp alǵan. Qazirgi ýaqytta onyń esi anyq ekeni habarlandy.
Oqiǵa ornyna Kóliktegi oqiǵalar men intsidentterdi tergeý departamentiniń mamandary jiberildi. Qazir apattyń sebepteri anyqtalyp jatyr.
