Qazaq fýtbolynyń ardageri, tájiribeli oiynshy ári bapker Marat Jalǵasuly Esmuratov 65 jasynda ómirden ozdy, dep habarlaidy Dalanews.kz.
Qazaqstan fýtbol federatsiiasy marqumnyń otbasy men týǵan-týystaryna, jaqyndaryna jáne barsha fýtbol qaýymdastyǵyna qaiǵyra kóńil aitty.
"Marat Jalǵasuly - otandyq fýtboldyń damýyna eleýli úles qosqan tulǵa. Qazaqstan ulttyq quramasynyń sapynda jeti márte alańǵa shyqqan. Kásibi eńbek jolynda "Meliorator", "Mashýk", "Qairat", SKIF-"Ordabasy", "Aktiýbinets", "Munaishy»"klýbtarynda óner kórsetip, 2001 jyly týǵan klýby "Qaisar" sapynda fýtbolshy mansabyn aiaqtady", - dep jazylǵan habarlamada.
Ol Qazaqstan Premer-ligasynda 265 match ótkizip, 6 gol soqqan. Jattyqtyrýshy retinde "Qaisar", "Aq Bulaq", BJMORSM №2, "BTA Fýtzal" MFK, "Jetisý" jáne "Altai" klýbtarynda jumys istegen.
