Qazaq balasy Shanhaida ótken «Jas óspirim Edison» baiqaýynda top jardy
Qytaidyń Shańhai qalasynda ótken «Jas óspirim Edison» baiqaýynda qatysyp, tapqyrlyǵymen qazaqtyń maqtanyshyna ainalǵan Talanttyń tapqyrlyǵy týraly Qazaqstannyń aqparat quraldary da jaza bastady. Ile aimaǵy Kúnes aýdanynda turatyn baýyrymyz Talant Bekturuly birden dezinfektsiialanatyn shprits jasap shyqqan bolatyn.
Talanttyń ákesi Bektur Nazarhanuly 20 jyldan beri mal dárigeri bolyp isteidi. Osy jyl arasynda Kúnes aýdany Narat aýylynyń jaýapty mal dárigeri bolyp, ekpe egýmen ainalysqan. Ákesiniń osy aýyr jumystyń azbynan azda bolsa aryltý maqsatynda Talant qolaily shprits oilap tapqan-dy. Onyń ereksheligi bir malǵa vaktsina salǵannan keiin shprits inesin dezinfektsiialap ýaqyt jumsamaisyz, maldyń denesinen ineni sýyryp alǵanda avtomatty túrde dezinfektsiialanady. Osylaisha ýaqytty da, adam energiiasyn da únemdeýge boldy. Endeshe Talanttyń osy tapqarlyqty qalai jasap, baiqaýǵa qalai qatysqanyń Talanttyń talantynyń ashylýyna sebepshi bolǵan ákesi Bektur Nazarhanulynyń ańgimesinen nazarlaryńyzǵa usynamyn.
– Talant kishkene kezinde meniń artymnan qalmaityn edi. Mal daýalaǵanda bolmasa malǵa ekpe salǵanda artyma mingesip alyp, mal daýalaǵan úilerge erip baratyn. Men malǵa ekpe salyp jatqanda oiynnan jalyqqan Talant úige qaitaiyq dep álek salýshy edi. Sondyqtan kóbinde ertpei ketetinmin. Men úige kelgenshe tezirek kelýimdi kútetin. Mine, osy jaǵdailar sebebinen kishkene kezinen meniń jumysymdy jeńiltetpek oida júrgen siiaqty. Sodan esinde júrgen, kókeitesti qiialyn byltyr (2016 jyldy) qolǵa alyp jasap, alǵashqy nusqasyn oqyp jatqan mektebiniń muǵalimderine kórsetti. Muǵalimderi internet arqyly onyń jumysyn túrli baiqaýlarǵa jiberedi, – deidi Talanttyń ákesi.
Shilde aiynyń basynda Kúijý ólkesi Gúiiań qalasynda ótkizletin 4-shi kezekti «Jas óspirimderdiń Súń Shiń Liyń atyndaǵy tapqyrlyq jasaý» olimpiiadasyna shaqyrady. Bul olimiiadaǵa ol tamyzdyń 23-25 kúnderi qatysady. Alǵashqy nusqasyna biraz ózgerister engizip, mektepindegi jetekshi muǵalimi Liý Kýi Jyn men anasy Gúlnur úsheýi barady. Ózi kúmis medalmen, jetekshisi «Memleket boiynsha tańdaýly jetekshi» ataǵymen marapattalady. Talant oqyp jatqan Kúnes aýdandyq Bestóbe orta mektebi «Súń Shiń Liyń jastar men órenderdiń ǵylym-tehnika tapqyrlyǵyndaǵy úlgi kórsetý bazasy» bolyp baǵalanady.
Osydan keiin qyrkúiektiń 20 kúnderi Shańhai qalasynan arnaýly tilshi kelip, Talattan suhbat alyp, video keskinder túsirip qazan aiynyń 20-24 kúnderi bolatyn «Jas óspirim Edison» baǵdarlamasynyń taldaý jarysyna shaqyrady. Bul joly Talant baiqaýǵa qatysýshylardyń ishinde tórt birdei baǵalaýshynyń báriniń oń baǵasyna ie boldy. Talantyn 4 tálimgerdiń ishinen ózine kóptegen tapqarlyqtar jartaqan taiýandyq professor Dyń Quń Júńdy ózine ustaz retinde tańdady. Dyń professor Talanttyń jasaǵan tapqyrlyǵyn odan ári óńdep jasap bermekshi. Budan keiingi basqa da jańalyq jaratýyna nusqaý berip otyrady.
Turdybek Qurmethan
