قازاق بالاسى شانحايدا ٶتكەن «جاس ٶسپٸرٸم ەديسون» بايقاۋىندا توپ جاردى
قىتايدىڭ شاڭحاي قالاسىندا ٶتكەن «جاس ٶسپٸرٸم ەديسون» بايقاۋىندا قاتىسىپ, تاپقىرلىعىمەن قازاقتىڭ ماقتانىشىنا اينالعان تالانتتىڭ تاپقىرلىعى تۋرالى قازاقستاننىڭ اقپارات قۇرالدارى دا جازا باستادى. ٸلە ايماعى كٷنەس اۋدانىندا تۇراتىن باۋىرىمىز تالانت بەكتۇرۇلى بٸردەن دەزينفەكتسييالاناتىن شپريتس جاساپ شىققان بولاتىن.
تالانتتىڭ ەكەسٸ بەكتۇر نازارحانۇلى 20 جىلدان بەرٸ مال دەرٸگەرٸ بولىپ ٸستەيدٸ. وسى جىل اراسىندا كٷنەس اۋدانى نارات اۋىلىنىڭ جاۋاپتى مال دەرٸگەرٸ بولىپ, ەكپە ەگۋمەن اينالىسقان. ەكەسٸنٸڭ وسى اۋىر جۇمىستىڭ ازبىنان ازدا بولسا ارىلتۋ ماقساتىندا تالانت قولايلى شپريتس ويلاپ تاپقان-دى. ونىڭ ەرەكشەلٸگٸ بٸر مالعا ۆاكتسينا سالعاننان كەيٸن شپريتس ينەسٸن دەزينفەكتسييالاپ ۋاقىت جۇمسامايسىز, مالدىڭ دەنەسٸنەن ينەنٸ سۋىرىپ العاندا اۆتوماتتى تٷردە دەزينفەكتسييالانادى. وسىلايشا ۋاقىتتى دا, ادام ەنەرگيياسىن دا ٷنەمدەۋگە بولدى. ەندەشە تالانتتىڭ وسى تاپقارلىقتى قالاي جاساپ, بايقاۋعا قالاي قاتىسقانىڭ تالانتتىڭ تالانتىنىڭ اشىلۋىنا سەبەپشٸ بولعان ەكەسٸ بەكتۇر نازارحانۇلىنىڭ اڭگٸمەسٸنەن نازارلارىڭىزعا ۇسىنامىن.
– تالانت كٸشكەنە كەزٸندە مەنٸڭ ارتىمنان قالمايتىن ەدٸ. مال داۋالاعاندا بولماسا مالعا ەكپە سالعاندا ارتىما مٸنگەسٸپ الىپ, مال داۋالاعان ٷيلەرگە ەرٸپ باراتىن. مەن مالعا ەكپە سالىپ جاتقاندا ويىننان جالىققان تالانت ٷيگە قايتايىق دەپ ەلەك سالۋشى ەدٸ. سوندىقتان كٶبٸندە ەرتپەي كەتەتٸنمٸن. مەن ٷيگە كەلگەنشە تەزٸرەك كەلۋٸمدٸ كٷتەتٸن. مٸنە, وسى جاعدايلار سەبەبٸنەن كٸشكەنە كەزٸنەن مەنٸڭ جۇمىسىمدى جەڭٸلتەتپەك ويدا جٷرگەن سيياقتى. سودان ەسٸندە جٷرگەن, كٶكەيتەستٸ قييالىن بىلتىر (2016 جىلدى) قولعا الىپ جاساپ, العاشقى نۇسقاسىن وقىپ جاتقان مەكتەبٸنٸڭ مۇعالٸمدەرٸنە كٶرسەتتٸ. مۇعالٸمدەرٸ ينتەرنەت ارقىلى ونىڭ جۇمىسىن تٷرلٸ بايقاۋلارعا جٸبەرەدٸ, – دەيدٸ تالانتتىڭ ەكەسٸ.
شٸلدە ايىنىڭ باسىندا كٷيجۋ ٶلكەسٸ گٷيياڭ قالاسىندا ٶتكٸزلەتٸن 4-شٸ كەزەكتٸ «جاس ٶسپٸرٸمدەردٸڭ سٷڭ شيڭ ليىڭ اتىنداعى تاپقىرلىق جاساۋ» وليمپيياداسىنا شاقىرادى. بۇل وليميياداعا ول تامىزدىڭ 23-25 كٷندەرٸ قاتىسادى. العاشقى نۇسقاسىنا بٸراز ٶزگەرٸستەر ەنگٸزٸپ, مەكتەپٸندەگٸ جەتەكشٸ مۇعالٸمٸ ليۋ كۋي جىن مەن اناسى گٷلنۇر ٷشەۋٸ بارادى. ٶزٸ كٷمٸس مەدالمەن, جەتەكشٸسٸ «مەملەكەت بويىنشا تاڭداۋلى جەتەكشٸ» اتاعىمەن ماراپاتتالادى. تالانت وقىپ جاتقان كٷنەس اۋداندىق بەستٶبە ورتا مەكتەبٸ «سٷڭ شيڭ ليىڭ جاستار مەن ٶرەندەردٸڭ عىلىم-تەحنيكا تاپقىرلىعىنداعى ٷلگٸ كٶرسەتۋ بازاسى» بولىپ باعالانادى.
وسىدان كەيٸن قىركٷيەكتٸڭ 20 كٷندەرٸ شاڭحاي قالاسىنان ارناۋلى تٸلشٸ كەلٸپ, تالاتتان سۇحبات الىپ, ۆيدەو كەسكٸندەر تٷسٸرٸپ قازان ايىنىڭ 20-24 كٷندەرٸ بولاتىن «جاس ٶسپٸرٸم ەديسون» باعدارلاماسىنىڭ تالداۋ جارىسىنا شاقىرادى. بۇل جولى تالانت بايقاۋعا قاتىسۋشىلاردىڭ ٸشٸندە تٶرت بٸردەي باعالاۋشىنىڭ بەرٸنٸڭ وڭ باعاسىنا يە بولدى. تالانتىن 4 تەلٸمگەردٸڭ ٸشٸنەن ٶزٸنە كٶپتەگەن تاپقارلىقتار جارتاقان تايۋاندىق پروفەسسور دىڭ قۇڭ جٷڭدى ٶزٸنە ۇستاز رەتٸندە تاڭدادى. دىڭ پروفەسسور تالانتتىڭ جاساعان تاپقىرلىعىن ودان ەرٸ ٶڭدەپ جاساپ بەرمەكشٸ. بۇدان كەيٸنگٸ باسقا دا جاڭالىق جاراتۋىنا نۇسقاۋ بەرٸپ وتىرادى.
تۇردىبەك قۇرمەتحان
