Resei azamattyǵyn alǵany eki derekkóz tarapynan rastalǵan, Qazaqstannyń arnaiy prokýrorlary ústinen qyzmettik ókildigin asyra paidalaný men qylmystyq jolmen alynǵan qarajatty zańdastyrý baptary kúdigimen is qozǵaǵan Qairat Qojamjarovty Qazaqstanǵa ekstraditsiialaý qiyn sharýa. Biraq ol múmkin emes degendi bildirmeidi.
"Resei bizge Qojamjarovty belgili bir sharttarmen beretini anyq. Biraq ol úshin Astana úlken geosaiasi máselede ne Reseidi qoldaý kerek ne onyń bir suraǵanyn berýi qajet. Aldymen prokýrorlardyń sotqa deiingi tergeýi aiaqtalýy tiis. Odan keiin Qojamjarov Reseidiń suraǵanyna tati ma, álde bul qoidy sabynǵa aýystyrýmen birdei ma, sol jaǵy saralanady", - deidi, DALA INSIDE derekkózi.
Dúisenovtiń Germaniiadan ekstraditsiiasy sheshilgen másele. Al ol elge jetkizilgennen keiin, "Qojamjarov isi" jańa impýls alady. Maqsat Dúisenovtyń tergeýmen shartqa otyryp, barynsha syryn aqtaratyny anyq. Sol kezde Qojamjarovtyń sot aldy tergeýi óz pazlyn tolyq jinaidy.
Biyl Qojamjarovtyń komandasy tolyq joiylǵanyn buǵan deiin jazǵan bolatynbyz. Jemqorlyqpen kúres boiynsha Ulttyq biýronyń eks-basshysy Talǵat Tatýbaev shildeniń basynda azaptaý isi boiynsha qamaýǵa alyndy. Arnaiy prokýrorlar qyzmetiniń eks-basshysy Olesia Knksel osy azaptaý baby boiynsha kúdikti retinde tanyldy. Qazir tergeý júrip jatyr. Odan keiin burynǵy bas kólik prokýrory Maqsat Dúisenovke izdeý jariialanyp, ol Interpol arqyly Germaniiada ustaldy.
Qairat Qojamjarov uzaq jyldar boiy jemqorlyqpen kúres mekemelerin basqardy. Onyń kezinde antikor Agenttik te, Biýro formasynda da boldy. Artynan Bas prokýror, senator laýazymynda boldy. 2023 jyldyń basynda Parlamenttegi ornyn bosatyp, mandattan airyldy. Sodan beri ol elimizdiń saiasi sahnasynan ketti.
