رەسەي ازاماتتىعىن العانى ەكٸ دەرەككٶز تاراپىنان راستالعان, قازاقستاننىڭ ارنايى پروكۋرورلارى ٷستٸنەن قىزمەتتٸك ٶكٸلدٸگٸن اسىرا پايدالانۋ مەن قىلمىستىق جولمەن الىنعان قاراجاتتى زاڭداستىرۋ باپتارى كٷدٸگٸمەن ٸس قوزعاعان قايرات قوجامجاروۆتى قازاقستانعا ەكستراديتسييالاۋ قيىن شارۋا. بٸراق ول مٷمكٸن ەمەس دەگەندٸ بٸلدٸرمەيدٸ.
"رەسەي بٸزگە قوجامجاروۆتى بەلگٸلٸ بٸر شارتتارمەن بەرەتٸنٸ انىق. بٸراق ول ٷشٸن استانا ٷلكەن گەوساياسي مەسەلەدە نە رەسەيدٸ قولداۋ كەرەك نە ونىڭ بٸر سۇراعانىن بەرۋٸ قاجەت. الدىمەن پروكۋرورلاردىڭ سوتقا دەيٸنگٸ تەرگەۋٸ اياقتالۋى تيٸس. ودان كەيٸن قوجامجاروۆ رەسەيدٸڭ سۇراعانىنا تاتي ما, ەلدە بۇل قويدى سابىنعا اۋىستىرۋمەن بٸردەي ما, سول جاعى سارالانادى", - دەيدٸ, DALA INSIDE دەرەككٶزٸ.
دٷيسەنوۆتٸڭ گەرمانييادان ەكستراديتسيياسى شەشٸلگەن مەسەلە. ال ول ەلگە جەتكٸزٸلگەننەن كەيٸن, "قوجامجاروۆ ٸسٸ" جاڭا يمپۋلس الادى. ماقسات دٷيسەنوۆتىڭ تەرگەۋمەن شارتقا وتىرىپ, بارىنشا سىرىن اقتاراتىنى انىق. سول كەزدە قوجامجاروۆتىڭ سوت الدى تەرگەۋٸ ٶز پازلىن تولىق جينايدى.
بيىل قوجامجاروۆتىڭ كومانداسى تولىق جويىلعانىن بۇعان دەيٸن جازعان بولاتىنبىز. جەمقورلىقپەن كٷرەس بويىنشا ۇلتتىق بيۋرونىڭ ەكس-باسشىسى تالعات تاتۋباەۆ شٸلدەنٸڭ باسىندا ازاپتاۋ ٸسٸ بويىنشا قاماۋعا الىندى. ارنايى پروكۋرورلار قىزمەتٸنٸڭ ەكس-باسشىسى ولەسيا كنكسەل وسى ازاپتاۋ بابى بويىنشا كٷدٸكتٸ رەتٸندە تانىلدى. قازٸر تەرگەۋ جٷرٸپ جاتىر. ودان كەيٸن بۇرىنعى باس كٶلٸك پروكۋرورى ماقسات دٷيسەنوۆكە ٸزدەۋ جارييالانىپ, ول ينتەرپول ارقىلى گەرمانييادا ۇستالدى.
قايرات قوجامجاروۆ ۇزاق جىلدار بويى جەمقورلىقپەن كٷرەس مەكەمەلەرٸن باسقاردى. ونىڭ كەزٸندە انتيكور اگەنتتٸك تە, بيۋرو فورماسىندا دا بولدى. ارتىنان باس پروكۋرور, سەناتور لاۋازىمىندا بولدى. 2023 جىلدىڭ باسىندا پارلامەنتتەگٸ ورنىن بوساتىپ, مانداتتان ايرىلدى. سودان بەرٸ ول ەلٸمٸزدٸڭ ساياسي ساحناسىنان كەتتٸ.
