Mádeniet jáne aqparat vitse-ministri Qanat Ysqaqov qaiyrymdylyq qorlary óziniń jumysy, halyqtan jinalǵan qarajattyń jumsalýy týraly BAQ-qa esep berýge mindetteletinin aitty. Onyń aitýynsha, "Kommeratsiialyq emes uiymdar men úkimettik emes uiymdardyń qyzmeti týraly" zańǵa engiziletin ózgerister men túzetýler biylǵy jyldyń boiynda talqylanyp, onyń jobasy Parlamentke 2026 jyldyń basynda usynylyp qalady, dep habarlaidy Dalanews.kz.
Mádeniet jáne aqparat vitse-ministri Úkimettegi baspasóz máslihatynda osy baǵytta ministrlik janynan jumys tobyn qurylǵanyn jáne zańǵa engiziletin jańa túzetýler men ózgerister jobasy daiyndalyp jatqanyn aitty.
"Al ózgerister jaǵyna kelsek, eń birinshiden, bul arada kommertsiialyq emes uiymnyń ne ekenin jáne úkimettik emes uiymnyń ne ekenin anyqtalyp alý kerek bolady. Odan soń olardyń nemen shuǵyldanatynyn jáne ne úshin litsenziialanýy kerektigin de aiqyn kórsetimiz qajet. Ekinshiden, osy uiymdardy basqaratyn azamattardyń jaýapkershiligi, qoǵamǵa esep berýi, túsetin kirister men shyǵystardyń ashyqtyǵy boiynsha talaptardy aiqyndaý qajet. Bul rette biz tirkeýge tiis bazalyq sanattar osylar bolyp tabylady", - dep atap ótti Qanat Ysqaqov.
Onyń aitýynsha, atalǵan ózgeriske Perizat Qairat oqiǵasy emes, áleýmettik qurylymdaǵy ózgerister, qaiyrymdylyq pen kómekke degen suranystyń artýy túrtki bolǵan.
Aita ketsek, búginderi sý tasqynynan zardap shekkenderge dep jinalǵan qarajatty jeke maqsatyna jumsady dep aiyptalýshy volonter Perizat Qairat pen onyń anasy Ǵaini Alashbaevaǵa qatysty is boiynsha sot ótip jatyr. 47 adamnan turatyn jábirlenýshiler toby alaiaqtyqpen jymqyrylǵan qarajatty qaitarýdy talap etýde. Aiyptaý tarapynyń dereginshe, bul qarjy reabilitatsiialyq ortalyq qurylysyna, Palestina halqyna jáne sý tasqynynan zardap shekkenderge kómek turǵysynda jinalǵanymen, shyn máninde, kúdiktilerdiń sán-saltanatqa toly ómirine jumsalǵan
