Qaiǵyly oqiǵa ShQO Kúrshim aýdanynda bolǵan.
4 naýryzda keshki saǵat 16.00-de Maraldy aýylyndaǵy karerde jumys istep jatqan “Mýrtazaev” jeke kásipkerliginiń jumysshysy qaýipsizdik tehnikasyn saqtamaý saldarynan qaza tapty.
Ol býldozer men ekskavatordyń arasynda qysylyp qalǵan, habarlaidy Dalanews.kz portaly Altainews.kz - ke silteme jasap.
Bizge belgili málimetter boiynsha, batyp qalǵan krandy jumysshylar býldozerge tirkep alyp shyqpaq bolǵan. Osy kezde býldozer artqa qarai syrǵyp ketip, kranshy eki tehnikanyń arasynda qalyp qoiǵan.
Qaza tapqan azamat – kompaniianyń shtattyq qyzmetkeri emes, Zaisan aýdanynan kelgen “Mýrtazaev” jeke kásipkerliginiń jaldamaly jumysshysy.
Al býldozer júrgizýshisi – Kúrshim aýdanynyń turǵyny.
Aldyn ala boljam boiynsha, kisi ólimimen aiaqtalǵan óndiristegi bul qaiǵyly oqiǵanyń sebebi – qaýipsizdik tehnikasyn saqtamaý.
Jaǵdai baqylaýǵa alyndy. Oqiǵa ornyna quqyq qorǵaý organdarynyń, tótenshe jaǵdailar qyzmetiniń jáne Kúrshim aýdany ákimdiginiń ókilderi dereý attandy.
Maraldy aýylyndaǵy jaldamaly jumysshynyń qazasyna bailanysty jaǵdaidy ShQO memlekettik eńbek inspektsiiasy basqarmasy dereý nazarǵa alyp, tekserý júrgizýdi bastady.
Oqiǵa ornyna merdigerdiń qosymsha kúshterdi tartýynyń zańdylyǵy men qaýipsizdigin, obektidegi qaýipsizdik erejeleriniń saqtalýyn jáne bolǵan oqiǵany obektivti baǵalaý úshin talaptardyń oryndalýyn jan-jaqty tekseretin memlekettik inspektorlar jiberildi.
Shyǵys Qazaqstan oblysynyń basshylyǵy jaǵdaidy anyqtap, kinálilerdi jaýapqa tartý úshin quzyrly organdardyń aldyna qatań talap qoidy.
