"Qazaqstan Respýblikasy aýmaǵynda óndiriletin jekelegen dońǵalaqty kólik quraldaryna qatysty mindetti talaptardy qoldaný jáne olardyń sáikestigine baǵalaý júrgizý qaǵidalaryn bekitý týraly" 22 qazanda jariialanǵan úkimet qaýlysy boiynsha, Qazaqstanda avtokólikti eń tómengi"Eýro - 0-ge" deiingi ekologiialyq talappen shyǵarýǵa bolady.
Bul ózgeris boiynsha, qaýipsizdik jastyǵy, antiblok júiesi, tejegish kezinde dońǵalaqty bloktamaý tetigi, jedel qyzmet shaqyrǵysh qurylǵysy bolmasa da avtokólik shyǵarýǵa ruqsat etiledi.
Premer-ministr Álihan Smaiylov qol qoiǵan jańa ereje 15 qarashadan bastap kúshine enedi.
Batys sanktsiiasy qataiǵan shaqta biyl mamyr aiynda Resei de osyǵan uqsas sheshim shyǵarǵan.
Eýraziia ekonomika keńesi biyl sáýir aiynan bastap 2023 jyldyń 1 aqpanyna deiin avtokólikti Eýraziia ekonomika keńesi tehnikalyq reglamentiniń biryńǵai talaptarynan ózge ulttyq zańnama talaptary boiynsha avtokólik shyǵara berýge ruqsat bergen.
2021 jyly Qazaqstan biligi Qostanai qalasynda "Lada" kóligin shyǵaratyn birlesken zaýyt salatynyn habarlaǵan. Qazaqstannyń indýstriia jáne infraqurylymdyq damý ministrliginiń habaryna qaraǵanda, "jeńildetilgen komplektatsiia talaptarynyń Hyundai siiaqty sheteldik markalarǵa qatysy bolmaidy.
Batys elderinde "Eýro-0" 1992 jylǵa deiin, "Evro-1" 1995 jylǵa deiin qoldanysta bolǵan. Qazaqstan "Eýro-2" standartynan tómen kólikti elge ákelýge 2009 jyly tyiym salǵan. Odan beri joǵary halyqaralyq ekologiialyq talaptar qoia bastaǵan edi.
